041.0199.020317
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
2 մարտի 2017 թվականի N 199-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2009 ԹՎԱԿԱՆԻ ԴԵԿՏԵՄԲԵՐԻ 22-Ի N 1064-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի պահանջներով`
1. Հայաստանի Հանրապետության վարչապետի 2009 թվականի դեկտեմբերի 22-ի «Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողով ստեղծելու, հանձնաժողովի անհատական կազմը և գործունեության կարգը հաստատելու մասին» N 1064-Ա որոշման մեջ կատարել հետևյալ փոփոխությունները`
1) որոշման N 1 հավելվածը շարադրել նոր խմբագրությամբ` համաձայն հավելվածի.
2) որոշման N 2 հավելվածում`
ա. 2-րդ կետը շարադրել հետևյալ խմբագրությամբ.
«2. Հանձնաժողովի նախագահը Հայաստանի Հանրապետության կառավարությանն առընթեր քաղաքաշինության պետական կոմիտեի նախագահի առաջին տեղակալն է:»,
բ. 6-րդ կետից հանել «կամ նրա հանձնարարությամբ` հանձնաժողովի նախագահի տեղակալը» բառերը,
գ. 10-րդ, 15-րդ և 20-րդ կետերում «Հայաստանի Հանրապետության քաղաքաշինության նախարարություն» բառերը և դրանց համապատասխան հոլովաձևերը փոխարինել «Հայաստանի Հանրապետության կառավարությանն առընթեր քաղաքաշինության պետական կոմիտե» բառերով և դրանց համապատասխան հոլովաձևերով,
դ. 12-րդ կետի 1-ին և 2-րդ ենթակետերը շարադրել հետևյալ խմբագրությամբ.
«1) պլանավորման փաստաթղթերի և դրանց նախագծման առաջադրանքների համակողմանի քննարկումը և դրանց վերաբերյալ ընդհանուր կարծիքի ձևավորումը.
2) տարածական պլանավորման փաստաթղթերում և դրանց նախագծման առաջադրանքներում ոլորտային խնդիրների ներառման ապահովումը, ինչպես նաև տարբեր ոլորտներին վերաբերող դրույթների փոխհամաձայնեցումը:»:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2017 ԹՎԱԿԱՆԻ ՄԱՐՏԻ 2-ԻՆ
Հավելված
ՀՀ վարչապետի
2017 թվականի մարտի 2-ի
N 199-Ա որոշման
«Հավելված N 1
ՀՀ վարչապետի
2009 թվականի դեկտեմբերի 22-ի
N 1064-Ա որոշման
ԱՆՀԱՏԱԿԱՆ ԿԱԶՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ (ԲՆԱԿԱՎԱՅՐԵՐԻ) ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ԱՇԽԱՏԱՆՔՆԵՐԸ ՀԱՄԱԿԱՐԳՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ա. Բադալյան - ՀՀ կառավարությանն առընթեր քաղաքաշինության պետական
կոմիտեի նախագահի առաջին տեղակալ (հանձնաժողովի
նախագահ)
Ա. Առաքելյան - ՀՀ տրանսպորտի, կապի և տեղեկատվական
տեխնոլոգիաների նախարարի առաջին տեղակալ
Ա. Հարությունյան - ՀՀ գյուղատնտեսության նախարարի տեղակալ
Ա. Գիլոյան - ՀՀ տարածքային կառավարման և զարգացման
նախարարության աշխատակազմի տեղական ինքնակառավարման
վարչության պետ
Լ. Շահվերդյան - ՀՀ էներգետիկ ենթակառուցվածքների և բնական
պաշարների նախարարի խորհրդական
Լ. Մանուկյան - ՀՀ կառավարությանն առընթեր անշարժ գույքի կադաստրի
պետական կոմիտեի աշխատակազմի գեոդեզիայի և
քարտեզագրության վարչության պետ
Ա. Եգանյան - ՀՀ տնտեսական զարգացման և ներդրումների
նախարարության աշխատակազմի արդյունաբերության
զարգացման վարչության պետ
Ա. Աբրոյան - ՀՀ մշակույթի նախարարության աշխատակազմի
պատմության և մշակույթի հուշարձանների
պահպանության գործակալության պետ
Վ. Սահակյան - ՀՀ բնապահպանության նախարարության «Շրջակա
միջավայրի վրա ազդեցության փորձաքննական կենտրոն»
ՊՈԱԿ-ի տնօրեն
Հ. Պետրոսյան - ՀՀ արտակարգ իրավիճակների նախարարության աշխատակազմի
«Սեյսմիկ պաշտպանության ծառայություն»
գործակալության պետ
Ա. Դավթյան - ՀՀ արտակարգ իրավիճակների նախարարության աշխատակազմի
փրկարար ծառայության բնակչության պաշտպանության և
աղետների հետևանքների վերացման կազմակերպման
վարչության պետ
Ն. Սարգսյան - ՀՀ ոստիկանության «Ճանապարհային ոստիկանություն»
ծառայության պետի տեղակալ, ոստիկանության գնդապետ
Տ. Բարսեղյան - Երևանի գլխավոր ճարտարապետ (համաձայնությամբ)
- համապատասխան ՀՀ մարզպետ
- համապատասխան համայնքի ղեկավար (համաձայնությամբ)
Գ. Մինասյան - «ՀՀ շինարարների միություն» հասարակական
կազմակերպության տնօրեն (համաձայնությամբ)
Մ. Մինասյան - «ՀՀ ճարտարապետների միավորում» հասարակական
կազմակերպության նախագահ (համաձայնությամբ)
Ա. Հախումյան - ՀՀ կառավարությանն առընթեր քաղաքաշինության պետական
կոմիտեի աշխատակազմի ճարտարապետության և
քաղաքաշինության վարչության պետ (հանձնաժողովի
քարտուղար)»: