04.04.2025 -
040.0335.050416
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 մարտի 2016 թվականի N 335-Ն
ՓՈԽՊԱՏՎԱՍՏՄԱՆ ՆՊԱՏԱԿՈՎ ՄԱՐԴՈՒ ԴՈՆՈՐԱԿԱՆ ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ ՆԵՐՄՈՒԾՄԱՆ, ՍԵՌԱԲՋԻՋՆԵՐԻ ԵՎ ՍԱՂՄԵՐԻ, ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ, ԹՄՐԱՄԻՋՈՑՆԵՐԻ, ՀՈԳԵՄԵՏ (ՀՈԳԵՆԵՐԳՈՐԾՈՒՆ) ՆՅՈՒԹԵՐԻ ԿԱՄ ԴՐԱՆՑ ՊՐԵԿՈՒՐՍՈՐՆԵՐԻ ՆԵՐՄՈՒԾՄԱՆ ԵՎ ԱՐՏԱՀԱՆՄԱՆ ԿԱՐԳԸ ՈՒ ԴՐԱՆՑ ՑԱՆԿԵՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ԱՊՐԻԼԻ 26-Ի N 551-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
(1-ին մաս)
Համաձայն «Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 10-րդ հոդվածի, «Մարդու արյան և դրա բաղադրամասերի դոնորության և փոխներարկումային բժշկական օգնության մասին» Հայաստանի Հանրապետության օրենքի 6-րդ հոդվածի 1-ին մասի 3-րդ կետի, «Մարդու վերարտադրողական առողջության և վերարտադրողական իրավունքների մասին» Հայաստանի Հանրապետության օրենքի 7-րդ հոդվածի 4-րդ մասի և Հայաստանի Հանրապետության կառավարության 2014 թվականի դեկտեմբերի 25-ի N 1524-Ն որոշման 6-րդ կետի 1-ին ենթակետի պահանջների` Հայաստանի Հանրապետության կառավարությունը որոշում է.
1. Հաստատել`
1) փոխպատվաստման նպատակով մարդու դոնորական օրգանների և (կամ) հյուսվածքների ներմուծման, սեռաբջիջների և սաղմերի, արյան և դրա բաղադրամասերի ներմուծման և արտահանման կարգը` համաձայն N 1 հավելվածի.
2) թմրամիջոցների, հոգեմետ (հոգեներգործուն) նյութերի կամ դրանց պրեկուրսորների ներմուծման և արտահանման կարգը` համաձայն N 2 հավելվածի.
3) Հայաստանի Հանրապետության կողմից երրորդ երկրների հետ առևտրի դեպքում մարդու օրգանների և հյուսվածքների, արյան և դրա բաղադրամասերի ցանկը` համաձայն N 3 հավելվածի.
4) Հայաստանի Հանրապետության կողմից երրորդ երկրների հետ առևտրի դեպքում թմրամիջոցների, հոգեմետ (հոգեներգործուն) նյութերի և դրանց պրեկուրսորների ցանկը` համաձայն N 4 հավելվածի:
(1-ին կետը փոփ. 03.04.2025 թիվ 360-Ն որոշում)
2. ՈՒժը կորցրած ճանաչել Հայաստանի Հանրապետության կառավարության 2007 թվականի ապրիլի 26-ի «Փոխպատվաստման նպատակով դոնորական օրգանների և (կամ) հյուսվածքների ներմուծման կարգը սահմանելու մասին» N 551-Ն որոշումը:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
(վերնագիրն ու նախաբանը փոփ. 03.04.2025 թիվ 360-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2016 ԹՎԱԿԱՆԻ ԱՊՐԻԼԻ 5-ԻՆ
Հավելված N 1
ՀՀ կառավարության
2016 թվականի մարտի 31-ի
N 335-Ն որոշման
ԿԱՐԳ
ՓՈԽՊԱՏՎԱՍՏՄԱՆ ՆՊԱՏԱԿՈՎ ՄԱՐԴՈՒ ԴՈՆՈՐԱԿԱՆ ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ ՆԵՐՄՈՒԾՄԱՆ, ՍԵՌԱԲՋԻՋՆԵՐԻ ԵՎ ՍԱՂՄԵՐԻ, ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ՆԵՐՄՈՒԾՄԱՆ ԵՎ ԱՐՏԱՀԱՆՄԱՆ
1. Սույն կարգով կարգավորվում են Եվրասիական տնտեսական միության անդամ չհանդիսացող երկրից (այսուհետ` երրորդ երկրից) Հայաստանի Հանրապետության տարածք փոխպատվաստման նպատակով մարդու դոնորական օրգանների և (կամ) հյուսվածքների ներմուծման, սեռաբջիջների և սաղմերի, արյան և դրա բաղադրամասերի` երրորդ երկրից ներմուծման, Հայաստանի Հանրապետության տարածքից երրորդ երկիր արտահանման հետ կապված հարաբերությունները:
(1-ին կետը փոփ. 03.04.2025 թիվ 360-Ն որոշում)
2. Սույն կարգի պահանջները տարածվում են երրորդ երկրից միայն «Բացթողում` ներքին սպառման համար» կամ «Արտահանում» մաքսային ընթացակարգերով փոխպատվաստման նպատակով մարդու դոնորական օրգանների և (կամ) հյուսվածքների ներմուծման, սեռաբջիջների և սաղմերի, արյան և դրա բաղադրամասերի` համապատասխանաբար ներմուծման կամ արտահանման նկատմամբ:
(2-րդ կետը փոփ. 03.04.2025 թիվ 360-Ն որոշում)
2.1. Չի պահանջվում լիցենզիա կամ եզրակացություն (թույլատրման փաստաթուղթ) ներկայացնել մաքսային մարմին այն դեպքերում, երբ մարդու օրգանները և հյուսվածքները, արյունն ու դրա բաղադրամասերը, սեռաբջիջներն ու սաղմերը ձևակերպվում են`
1) «մաքսային տարանցում» և «ոչնչացում» մաքսային ընթացակարգերով.
2) «վերարտահանում» կամ «վերաներմուծում» մաքսային ընթացակարգերով` համապատասխանաբար ավելի վաղ «ներքին սպառման համար բացթողում» մաքսային ընթացակարգով ձևակերպված կամ ավելի վաղ «արտահանում» մաքսային ընթացակարգին համապատասխան արտահանված ապրանքների նկատմամբ:
(2.1-ին կետը լրաց. 03.04.2025 թիվ 360-Ն որոշում)
2.2. Մարդու օրգանների և հյուսվածքների, արյան ու դրա բաղադրամասերի, սեռաբջիջների ու սաղմերի «մաքսային պահեստ», «ժամանակավոր ներմուծում (ընդունում)», «ժամանակավոր ներմուծում», «հրաժարում` հօգուտ պետության», «ազատ մաքսային գոտի», «ազատ պահեստ» և «անմաքս առևտուր» մաքսային ընթացակարգերով ձևակերպում չի թույլատրվում:
(2.2-րդ կետը լրաց. 03.04.2025 թիվ 360-Ն որոշում)
3. Հայաստանի Հանրապետության տարածք փոխպատվաստման նպատակով մարդու դոնորական օրգանների և (կամ) հյուսվածքների ներմուծումը կամ արյան և դրա բաղադրամասերի ներմուծումը և արտահանումն իրականացվում են Հայաստանի Հանրապետության առողջապահության նախարարության (այսուհետ` լիազոր մարմին) կողմից տրված մեկանգամյա լիցենզիայի հիման վրա` համաձայն սույն կարգի NN 4 և 5 ձևերի, իսկ սեռաբջիջների և սաղմերի ներմուծումը և արտահանումը` լիազոր մարմնի կողմից տրված եզրակացության (թույլատրման փաստաթուղթ) հիման վրա` համաձայն սույն կարգի N 6 ձևի:
(3-րդ կետը փոփ. 03.04.2025 թիվ 360-Ն որոշում)
4. Փոխպատվաստման նպատակով մարդու դոնորական օրգաններ և (կամ) հյուսվածքներ ներմուծել կամ սեռաբջիջներ և սաղմեր, արյուն և դրա բաղադրամասեր ներմուծել և արտահանել կարող են`
1) մարդու դոնորական օրգանների և (կամ) հյուսվածքների ներմուծման դեպքում` միայն բժշկական օգնության և սպասարկման համապատասխան տեսակի լիցենզիա ունեցող իրավաբանական անձինք և անհատ ձեռնարկատերերը (այսուհետ` հայտատու).
2) արյան և դրա բաղադրամասերի ներմուծման և արտահանման դեպքում` դեղերի արտադրության կամ բժշկական օգնություն և սպասարկում իրականացնելու համապատասխան տեսակի լիցենզիա ունեցող իրավաբանական անձինք և անհատ ձեռնարկատերերը (այսուհետ` հայտատու).
3) սեռաբջիջների և սաղմերի ներմուծման և արտահանման դեպքում միայն բժշկական օգնության և սպասարկման համապատասխան տեսակի լիցենզիա ունեցող իրավաբանական անձինք և անհատ ձեռնարկատերերը (այսուհետ` հայտատու):
(4-րդ կետը փոփ. 03.04.2025 թիվ 360-Ն որոշում)
5. Ֆիզիկական անձանց կողմից անձնական օգտագործման նպատակով մարդու օրգանների և (կամ) հյուսվածքների ներմուծում կամ սեռաբջիջների և սաղմերի, մարդու արյան և դրա բաղադրամասերի (բացառությամբ մարդու կենսաբանական նմուշների) ներմուծում կամ արտահանում չի իրականացվում:
(5-րդ կետը փոփ. 03.04.2025 թիվ 360-Ն որոշում)
5.1. Ֆիզիկական անձանց կողմից մարդու կենսաբանական նյութերի նմուշների ներմուծումը և (կամ) արտահանումը` որպես անձնական օգտագործման ապրանքներ, իրականացվում են եզրակացության (թույլատրման փաստաթուղթ) առկայության դեպքում:
(5.1-ին կետը լրաց. 03.04.2025 թիվ 360-Ն որոշում)
6. Փոխպատվաստման նպատակով մարդու դոնորական օրգանների և (կամ) հյուսվածքների ներմուծման կամ արյան և դրա բաղադրամասերի ներմուծման և արտահանման համար տրամադրվում է մեկանգամյա լիցենզիա` Եվրասիական տնտեսական միության մաքսային սահմանով փաստացի մեկ անգամ ներմուծելու կամ արտահանելու համար: Մեկանգամյա լիցենզիայի գործողության ժամկետը չի կարող գերազանցել մեկ տարի ժամկետը` դրա գործողության մեջ մտնելու ամսաթվից սկսած:
6.1. Սեռաբջիջների ու սաղմերի ներմուծման և արտահանման վերաբերյալ տրամադրված եզրակացության (թույլատրման փաստաթուղթ) ժամկետը սահմանափակվում է այն օրացուցային տարով, որում տրամադրվել է այն` անկախ Եվրասիական տնտեսական միության մաքսային սահմանով տեղափոխությունների թվից:
(6.1-ին կետը լրաց. 03.04.2025 թիվ 360-Ն որոշում)
7. Մեկանգամյա լիցենզիա ստանալու համար հայտատուի կողմից լիազոր մարմին պետք է ներկայացվի`
1) մեկանգամյա լիցենզիա ստանալու վերաբերյալ հայտ` համաձայն սույն կարգի NN 1 և (կամ) 2 ձևերի.
2) հայտի էլեկտրոնային օրինակը (ԴՕԿ (DOC), ԴԻՕՍԻԻՔՍ (DOCX), ՊԻԴԻԷՖ (PDF), ՋԵՅՓԻԻՋԻ (JPEG), ԻՔՍԷԼԷՍ (XLS) կամ ԻՔՍԷԼէՍԻՔՍ (XLSX) ձևաչափով ֆայլերի տեսքով.
3) արտաքին առևտրային պայմանագրի օրինակը, դրա հավելվածները և (կամ) դրանցում կատարված լրացումները, իսկ արտաքին առևտրային պայմանագրի բացակայության դեպքում` կողմերի մտադրությունները հավաստող այլ փաստաթղթի օրինակը, որն առնվազն պետք է ներառի`
ա. փոխպատվաստման նպատակով մարդու դոնորական օրգաններ և (կամ) հյուսվածքներ ներմուծող, արյուն և դրա բաղադրամասեր ներմուծող և (կամ) արտահանող իրավաբանական անձի անվանումը, գտնվելու վայրը, իրավաբանական անձի պետական գրանցման վկայականի (գրանցման) համարը, գործունեության իրականացման վայրը, հեռախոսահամարը, էլեկտրոնային փոստի հասցեն (առկայության դեպքում), իսկ անհատ ձեռնարկատիրոջ դեպքում` անունը, ազգանունը, անհատ ձեռնարկատիրոջ բնակության վայրը, անհատ ձեռնարկատիրոջ պետական հաշվառման վկայականի (հաշվառման) համարը, գործունեության իրականացման վայրը, հեռախոսահամարը, էլեկտրոնային փոստի հասցեն (առկայության դեպքում),
բ. մարդու դոնորական օրգանների և (կամ) հյուսվածքների ներմուծման, արյան և դրա բաղադրամասերի ներմուծման և (կամ) արտահանման պայմանները, կարգը, ժամկետները,
գ. մարդու դոնորական օրգանի, հյուսվածքի անվանումը, քանակը, կողմերի իրավունքներն ու պարտականությունների շրջանակը.
4) փոխպատվաստման նպատակով մարդու դոնորական օրգաններ և (կամ) հյուսվածքներ ներմուծելու դեպքում բժշկական օգնություն և սպասարկում իրականացնելու լիցենզիայի պատճենը.
5) մարդու դոնորական օրգանների և (կամ) հյուսվածքների կամ արյան և դրա բաղադրամասերի ներմուծման դեպքում` արտահանող երկրի իրավասու մարմնի կողմից տրված թույլտվության պատճենը (առկայության դեպքում).
6) պետական տուրքի վճարման անդորրագրի պատճենը կամ պետական վճարումների էլեկտրոնային համակարգի կողմից գեներացված անդորրագիրը կամ գեներացված անդորրագրի 20-նիշանոց ծածկագիրը:
7.1. Եզրակացության (թույլատրման փաստաթուղթ) ստացման համար հայտատուի կողմից լիազոր մարմնին են ներկայացվում հետևյալ փաստաթղթերը`
1) եզրակացության (թույլատրման փաստաթուղթ) նախագիծը` լրացված Եվրասիական տնտեսական հանձնաժողովի կոլեգիայի 2012 թվականի մայիսի 16-ի թիվ 45 որոշմամբ հաստատված` ապրանքների միասնական ցանկում ընդգրկված որոշակի ապրանքների, որոնց նկատմամբ կիրառվում են երրորդ երկրների հետ առևտրի ոլորտում ներմուծման, արտահանման և տարանցման համար ոչ սակագնային կարգավորման միջոցառումներ, եզրակացության (թույլատրման փաստաթուղթ) միասնական ձևը լրացնելու մեթոդական ցուցումների համաձայն.
2) լիցենզավորման ենթակա գործունեության տեսակի իրականացման համար տրամադրված լիցենզիայի պատճենը կամ լիցենզավորման ենթակա գործունեության տեսակի իրականացման համար լիցենզիայի առկայության մասին տեղեկությունները.
3) պայմանագրի պատճենը, որը պետք է ներառի տեղեկատվություն ներմուծող և (կամ) արտահանող իրավաբանական անձի անվանման, գտնվելու վայրի, իրավաբանական անձի պետական գրանցման վկայականի (գրանցման) համարի, գործունեության իրականացման վայրի, հեռախոսահամարի, էլեկտրոնային փոստի հասցեի (առկայության դեպքում), իսկ անհատ ձեռնարկատիրոջ դեպքում` անվան և ազգանվան, անհատ ձեռնարկատիրոջ բնակության վայրի, անհատ ձեռնարկատիրոջ պետական հաշվառման վկայականի (հաշվառման) համարի, գործունեության իրականացման վայրի, հեռախոսահամարի, էլեկտրոնային փոստի հասցեի, (առկայության դեպքում), ներմուծման և (կամ) արտահանման պայմանների, կարգի, ժամկետների, ներմուծվող կամ արտահանվող ապրանքի անվան, քանակի, կողմերի իրավունքների ու պարտականությունների շրջանակի վերաբերյալ, իսկ պայմանագրի բացակայության դեպքում` կողմերի մտադրությունները հաստատող այլ փաստաթղթի պատճենը.
4) կենսաբանական ծնողի (ծնողների) սեռաբջիջների կամ սաղմի ներմուծման և արտահանման դեպքում` սույն կարգի NN 7 և 8 ձևերով սահմանված` կենսաբանական ծնողի (ծնողների) գրավոր համաձայնությունը և բժշկական օգնության և սպասարկման համապատասխան տեսակի լիցենզիա ունեցող բժշկական կազմակերպության տրամադրած տեղեկանքը.
5) պետական տուրքի վճարման անդորրագրի պատճենը կամ պետական վճարումների էլեկտրոնային համակարգի կողմից գեներացված անդորրագիրը կամ գեներացված անդորրագրի 20-նիշանոց ծածկագիրը:
(7.1-ին կետը լրաց. 03.04.2025 թիվ 360-Ն որոշում)
8. Մեկանգամյա լիցենզիա ստանալու համար անհրաժեշտ փաստաթղթերը հայտատուի հայեցողությամբ լիազոր մարմին կարող են ներկայացվել էլեկտրոնային եղանակով (էլեկտրոնային հասցեն` [email protected]) կամ փոստով կամ առձեռն: Փաստաթղթերը կարող են ներկայացվել նաև հայտատուի էլեկտրոնային թվային ստորագրությամբ հաստատված տեսագրված փաստաթղթերի ձևով, Հայաստանի Հանրապետության օրենսդրությամբ սահմանված կարգով:
(8-րդ կետը փոփոխվելու է ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի գործարկման օրվանից` 06.04.2023 թիվ 480-Ն որոշում)
8.1. Սեռաբջիջների ու սաղմերի ներմուծման կամ արտահանման եզրակացության (թույլատրման փաստաթուղթ) ստացման համար անհրաժեշտ տեղեկությունները և փաստաթղթերը հայտատուի կողմից լիազոր մարմին ներկայացվում են էլեկտրոնային եղանակով` «Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի միջոցով, բացառությամբ անհաղթահարելի ուժի առկայության դեպքերի, երբ դրանք կարող են ներկայացվել թղթային եղանակով:
(8.1-ին կետը լրաց. 03.04.2025 թիվ 360-Ն որոշում)
8.2. Սեռաբջիջների ու սաղմերի ներմուծման եզրակացությունը (թույլատրման փաստաթուղթ) տրամադրվում է էլեկտրոնային եղանակով` «Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի միջոցով, բացառությամբ անհաղթահարելի ուժի առկայության դեպքերի, երբ դրանք կարող են տրամադրվել թղթային եղանակով: Սեռաբջիջների ու սաղմերի արտահանման եզրակացությունը (թույլատրման փաստաթուղթ) տրամադրվում է էլեկտրոնային եղանակով` «Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի միջոցով, բացառությամբ անհաղթահարելի ուժի առկայության կամ հայտատուի կողմից ներկայացրած դիմումի դեպքերի, երբ դրանք կարող են տրամադրվել թղթային եղանակով: Դիմումում հայտատուն նշում է արտահանման նպատակը:
(8.2-րդ կետը լրաց. 03.04.2025 թիվ 360-Ն որոշում)
8.3. Սեռաբջիջների ու սաղմերի ներմուծման կամ արտահանման եզրակացության (թույլատրման փաստաթուղթ) թղթային տարբերակը տրամադրվում է հայտատուին` վերջինիս դիմումի հիման վրա:
(8.3-րդ կետը լրաց. 03.04.2025 թիվ 360-Ն որոշում)
9. Ներկայացված փաստաթղթերի օրինակների յուրաքանչյուր թերթ պետք է վավերացված լինի հայտատուի ստորագրությամբ:
(9-րդ կետը փոփ. 10.07.18 թիվ 765-Ն որոշում)
10. Արյան և դրա բաղադրամասերի ներմուծման և արտահանման լիցենզիան տրամադրվում է կամ լիցենզիայի տրամադրումը մերժվում է լիազոր մարմնի կողմից` գրավոր, սույն կարգի 7-րդ կետով նախատեսված փաստաթղթերը ներկայացնելու օրվանից` մինչև երեք աշխատանքային օրվա ընթացքում, իսկ փոխպատվաստման նպատակով մարդու դոնորական օրգանների և (կամ) հյուսվածքների ներմուծման դեպքում լիցենզիան տրամադրվում կամ լիցենզիայի տրամադրումը մերժվում է մեկ աշխատանքային օրվա ընթացքում:
10.1. Եզրակացությունը (թույլատրման փաստաթուղթ) տրամադրվում է կամ դրա տրամադրումը մերժվում է լիազոր մարմնի կողմից` գրավոր, սույն կարգի 7.1-ին կետով նախատեսված փաստաթղթերը ներկայացնելու օրվանից` մեկ աշխատանքային օրվա ընթացքում:
(10.1-ին կետը լրաց. 03.04.2025 թիվ 360-Ն որոշում)
11. Մեկանգամյա լիցենզիայի տրամադրումը մերժվում է հետևյալ հիմքերով`
1) ներկայացված փաստաթղթերը թերի կամ կեղծ են.
2) մեկանգամյա լիցենզիայի տրամադրման համար հիմք ծառայող մեկ կամ մի քանի փաստաթղթերի գործողությունը դադարեցված կամ կասեցված է.
3) ներկայացված փաստաթղթերը չեն համապատասխանում Հայաստանի Հանրապետության օրենսդրության պահանջներին:
11.1. Եզրակացության (թույլատրման փաստաթուղթ) տրամադրումը մերժվում է, եթե`
1) չեն ներկայացվել կարգի 7.1-ին կետով պահանջվող փաստաթղթերը.
2) ներկայացված փաստաթղթերը թերի կամ դրանցում առկա տեղեկությունները ոչ արժանահավատ են.
3) եզրակացության (թույլատրման փաստաթուղթ) տրամադրման համար հիմք ծառայող մեկ կամ մի քանի փաստաթղթերի գործողությունը դադարեցված կամ կասեցված է.
4) ներկայացված փաստաթղթերը չեն համապատասխանում Հայաստանի Հանրապետության օրենսդրության պահանջներին:
(11.1-ին կետը լրաց. 03.04.2025 թիվ 360-Ն որոշում)
12. Հայտատուի կողմից ներկայացված, սույն որոշմամբ սահմանված անհրաժեշտ փաստաթղթերի ամբողջական չլինելու դեպքում լիազոր մարմինը արյան և դրա բաղադրամասերի ներմուծման և արտահանման լիցենզիայի հայտն ստանալուց հետո երկօրյա ժամկետում, իսկ փոխպատվաստման նպատակով մարդու դոնորական օրգանների և (կամ) հյուսվածքների ներմուծման հայտն հայտը կամ սեռաբջիջների և սաղմերի ներմուծման և արտահանման եզրակացության (թույլատրման փաստաթուղթ) նախագիծը ստանալուց հետո մեկօրյա ժամկետում դրա մասին գրավոր ծանուցում է հայտատուին և առաջարկում դրանք եռօրյա ժամկետում համալրել: Սույն կետով սահմանված ժամկետը չի հաշվարկվում սույն կարգի 10-րդ և 10.1-ին կետերով լիցենզիայի կամ եզրակացության (թույլատվական փաստաթուղթ) տրամադրման կամ մերժման համար սահմանված ժամկետի մեջ:
(12-րդ կետը փոփ. 03.04.2025 թիվ 360-Ն որոշում)
13. Մեկանգամյա լիցենզիայի մերժման վերաբերյալ որոշումը պետք է լինի հիմնավորված և հղում պարունակի սույն կարգի 11-րդ կետում նշված հիմքերից որևէ մեկին:
14. Լիազոր մարմինը ձևակերպում է մեկանգամյա լիցենզիայի բնօրինակը, որը տրամադրվում է հայտատուին:
14.1. Փոխպատվաստման նպատակով մարդու դոնորական օրգանների և (կամ) հյուսվածքների ներմուծման, արյան և դրա բաղադրամասերի ներմուծման կամ արտահանման մեկանգամյա լիցենզիա ստանալու նպատակով լիազոր մարմին տեղեկությունները և փաստաթղթերը ներկայացվում են էլեկտրոնային եղանակով` «Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի միջոցով, բացառությամբ անհաղթահարելի ուժի առկայության դեպքերի, երբ դրանք կարող են ներկայացվել թղթային եղանակով:
14.2. Փոխպատվաստման նպատակով մարդու դոնորական օրգանների և (կամ) հյուսվածքների ներմուծման, արյան և դրա բաղադրամասերի ներմուծման մեկանգամյա լիցենզիան տրամադրվում է էլեկտրոնային եղանակով` «Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի միջոցով, բացառությամբ անհաղթահարելի ուժի առկայության դեպքերի, երբ դրանք կարող են տրամադրվել թղթային եղանակով: Փոխպատվաստման նպատակով մարդու դոնորական օրգանների և (կամ) հյուսվածքների արտահանման, արյան և դրա բաղադրամասերի արտահանման մեկանգամյա լիցենզիան տրամադրվում է էլեկտրոնային եղանակով` «Հայաստանի Հանրապետության արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի միջոցով, բացառությամբ անհաղթահարելի ուժի առկայության կամ հայտատուի կողմից ներկայացրած դիմումի դեպքերի, երբ դրանք կարող են տրամադրվել թղթային եղանակով: Դիմումում հայտատուն նշում է արտահանման նպատակը:
14.3. Փոխպատվաստման նպատակով մարդու դոնորական օրգանների և (կամ) հյուսվածքների ներմուծման, արյան և դրա բաղադրամասերի ներմուծման կամ արտահանման մեկանգամյա լիցենզիայի (թույլտվությունների) թղթային տարբերակը տրամադրվում է հայտատուին` վերջինիս դիմումի հիման վրա:
(14.1-14.3-րդ կետերը լրացվելու են ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի գործարկման օրվանից` 06.04.2023 թիվ 480-Ն որոշում)
15. Տրամադրված մեկանգամյա լիցենզիայի մեջ փոփոխությունների կատարումը չի թույլատրվում, այդ թվում` տեխնիկական բնույթի պատճառներով: Նման փոփոխություններով մեկանգամյա լիցենզիան համարվում է անվավեր:
16. Այն դեպքում, երբ որպես իրավաբանական անձ գրանցված հայտատուի հիմնադիր փաստաթղթերում կատարվել են փոփոխություններ (կազմակերպական-իրավական ձևի, անվանման կամ գտնվելու վայրի փոփոխում) կամ անհատ ձեռնարկատեր հանդիսացող հայտատուի անձնագրային տվյալների փոփոխություն է տեղի ունեցել, հայտատուն դիմում է տրամադրված մեկանգամյա լիցենզիայի գործողությունը դադարեցնելու և նոր մեկանգամյա լիցենզիա ձևակերպելու հայտով` կից ներկայացնելով հայտը և նշված փոփոխությունները հավաստող փաստաթղթերը:
17. Լիազոր մարմինը մեկանգամյա լիցենզիայի գործողությունը կասեցնելու մասին որոշում է ընդունում`
1) եթե առկա է հայտատուի գրավոր դիմումը մեկանգամյա լիցենզիան կասեցնելու վերաբերյալ.
2) լիցենզավորման ենթակա գործունեության տեսակի իրականացման համար տրված լիցենզիան կասեցնելու դեպքում, եթե գործունեության նման տեսակը կապված է այն ապրանքի շրջանառության հետ, որի համար լիցենզավորման պահանջ է սահմանվել:
18. Լիազոր մարմինը մեկանգամյա լիցենզիայի գործողությունը դադարեցնելու մասին որոշում է ընդունում հետևյալ դեպքերում`
1) եթե առկա է հայտատուի գրավոր դիմումը մեկանգամյա լիցենզիան դադարեցնելու վերաբերյալ.
2) մեկանգամյա լիցենզիայի տրամադրման համար հիմք ծառայող մեկ կամ մի քանի փաստաթղթերի գործողության դադարեցման դեպքում.
3) մեկանգամյա լիցենզիա ստանալու նպատակով հայտատուի կողմից ներկայացված փաստաթղթերում կեղծ տեղեկություններ հայտնաբերվելու դեպքում.
4) լիցենզավորման ենթակա գործունեության տեսակի իրականացման համար տրված լիցենզիան դադարեցնելու, եթե գործունեության նման տեսակը կապված է այն ապրանքի շրջանառության հետ, որի համար լիցենզավորման պահանջ է սահմանվել.
5) որպես իրավաբանական անձ գրանցված հայտատուի հիմնադիր փաստաթղթերում փոփոխություններ կատարելու (կազմակերպական-իրավական ձևի, անվանման կամ գտնվելու վայրի փոփոխում) կամ անհատ ձեռնարկատեր հանդիսացող հայտատուի անձնագրային տվյալների փոփոխման դեպքում.
6) եթե դեղերի արտադրության կամ բժշկական օգնության և սպասարկման լիցենզիան դադարեցնելու վերաբերյալ դատարանի կողմից կայացված վճիռն օրինական ուժի մեջ է մտել.
7) մարդու դոնորական օրգանների և (կամ) հյուսվածքների ներմուծման դեպքում բժշկական օգնության և սպասարկման իրականացման լիցենզիայի դադարեցման դեպքում.
8) մեկանգամյա լիցենզիայի տրամադրման ժամանակ թույլ տրված այնպիսի խախտումների հայտնաբերման դեպքում, որոնց հետևանքով տրամադրվել է լիցենզիան, որը չէր կարող տրամադրվել սահմանված կարգին համապատասխան գործելու դեպքում.
9) լիցենզավորված անձի կողմից միջազգային նորմատիվ իրավական ակտերով կամ Հայաստանի Հանրապետության օրենքով սահմանված` մեկանգամյա լիցենզիայի տրամադրման պայմանները չկատարելու դեպքում:
19. Մեկանգամյա լիցենզիայի գործողությունը կասեցվում կամ դադարեցվում է դրա մասին լիազոր մարմնի կողմից հիմնավոր որոշման ընդունման օրվանից, որը պետք է հղում պարունակի սույն կարգի 17-րդ կամ 18-րդ կետում նշված հիմքերից որևէ մեկին:
20. Կասեցված մեկանգամյա լիցենզիայի գործողությունը լիազոր մարմնի կողմից վերականգնվում է դրա գործողության կասեցման հիմքերը վերանալու հաջորդ աշխատանքային օրը: Մեկանգամյա լիցենզիայի գործողության կասեցումը հիմք չէ այն կասեցման ժամկետին համապատասխան ժամկետով երկարաձգելու համար:
21. Մեկանգամյա լիցենզիայի կորստի դեպքում լիազոր մարմինը, հայտատուի գրավոր դիմումի հիման վրա և Հայաստանի Հանրապետության օրենքով նախատեսված կարգով ու չափով պետական տուրքը (լիցենզավորման վճարը) վճարելուց հետո տրամադրում է բնօրինակի նման ձևակերպվող և «Կրկնօրինակ» նշագրում պարունակող մեկանգամյա լիցենզիայի կրկնօրինակը: Մեկանգամյա լիցենզիայի կրկնօրինակը լիազոր մարմնի կողմից տրամադրվում է դիմումը ներկայացնելու օրվանից` մեկ աշխատանքային օրվա ընթացքում:
(21-րդ կետը փոփոխվելու է ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի գործարկման օրվանից` 06.04.2023 թիվ 480-Ն որոշում)
22. Մեկանգամյա լիցենզիայի կորստի պատճառները և հանգամանքները կազմվում է ազատ ոճով:
23. Նախքան ապրանքների մաքսային հայտարարագրումը` հայտատուն մեկանգամյա լիցենզիայի բնօրինակը ներկայացնում է համապատասխան մաքսային մարմին, որը, մեկանգամյա լիցենզիան հսկողության տակ վերցնելով, հայտատուին է տալիս դրա պատճենը` այն հսկողության տակ վերցնելու մասին մաքսային մարմնի կողմից կատարված նշումով:
(23-րդ կետն ուժը կորցնելու է ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր (sw.gov.am)» համակարգի գործարկման օրվանից` 06.04.2023 թիվ 480-Ն որոշում)
24. Մաքսային մարմինը մեկանգամյա լիցենզիայի և եզրակացության (թույլատրման փաստաթուղթ) կատարման վերաբերյալ տեղեկությունները երեք աշխատանքային օրվա ընթացքում «Արտաքին առևտրի մեկ պատուհան համակարգի» միջոցով կամ էլեկտրոնային եղանակով ներկայացնում է լիազոր մարմին: Էլեկտրոնային եղանակով ներկայացված տեղեկությունները տրամադրվում են սույն կարգի N 3 ձևով սահմանված տեղեկանքի ձևով:
(24-րդ կետը փոփ. 03.04.2025 թիվ 360-Ն որոշում)
24.1. Հայտատուները տեղափոխում իրականացնելու օրվանից երեք աշխատանքային օրվա ընթացքում պարտավոր են տեղեկացնել լիազոր մարմնին սեռաբջիջների ու սաղմերի ներմուծում կամ արտահանում իրականացնելու մասին:
(24.1-ին կետը լրաց. 03.04.2025 թիվ 360-Ն որոշում)
25. Մեկանգամյա լիցենզիան հսկողությունից հանելու մասին տեղեկատվությունը լիազոր մարմինը կցում է տվյալ լիցենզիայի գործին: Հայտատուի դիմումի դեպքում, երեք աշխատանքային օրվա ընթացքում, լիազոր մարմինը տալիս է թղթային տարբերակով տեղեկանք` մեկանգամյա լիցենզիան հսկողությունից հանելու վերաբերյալ:
26. Մեկանգամյա լիցենզիան կամ եզրակացությունը (թույլատրման փաստաթուղթ) տրվում է հայերենով, իսկ հայտատուի պահանջով կարող է տրամադրվել ռուսերենով կամ անգլերենով:
(26-րդ կետը փոփ. 03.04.2025 թիվ 360-Ն որոշում)
27. Մեկանգամյա լիցենզիան և եզրակացությունը (թույլատրման փաստաթուղթ) հաստատվում է լիազոր մարմնի գլխավոր քարտուղարի ստորագրությամբ:
(27-րդ կետը փոփ. 03.04.2025 թիվ 360-Ն որոշում)
28. Սույն կարգով չկարգավորված հարաբերությունները կարգավորվում են Հայաստանի Հանրապետության օրենսդրությամբ` ներառյալ Հայաստանի Հանրապետության կողմից վավերացված միջազգային պայմանագրերով:
Ձև N 1
ՀԱՅՏ
ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ԱՐՏԱՀԱՆՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ
._____________________________________________________________________.
|1. Հայտ N |2. Գործողության ժամկետը |
| |ՕՕ.ԱԱ.ՏՏՏՏ-ից մինչև ՕՕ.ԱԱ.ՏՏՏՏ |
|________________________|____________________________________________|
|3. Լիցենզիայի տեսակը |4. Պայմանագիր N (ամսաթիվ) |
|ԱՐՏԱՀԱՆՈՒՄ | |
|________________________|____________________________________________|
|5. Հայտատու |6. Գնորդ |
|________________________|____________________________________________|
|7. Նշանակման երկիր |8. Գնորդի երկիր |
|________________________|____________________________________________|
|9. Պայմանագրի արժույթը |10. Պայմանագրի արժեքը|11. Վիճակագրական արժեք|
|________________________|_____________________|______________________|
|12. Ապրանքի ծագման երկիր|13. Քանակը |14. Չափման միավորը |
|_____________________________________________________________________|
|15. Ապրանքի ծածկագիրը` ըստ ԱՏԳ ՄԱԱ-ի և դրա նկարագրությունը |
|_____________________________________________________________________|
|16. Լրացուցիչ տեղեկություններ |
|_____________________________________________________________________|
|17. Լիցենզիայի |18. Հայտատուի լիազորված անձ |
|տրամադրման հիմքը |Ա.Ա.Հ. |
| |Պաշտոնը |
| |Հեռախոսահամարը |
| |Ստորագրություն |
| |Ամսաթիվ |
._____________________________________________________________________.
ՀԱՎԵԼՎԱԾ ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ԱՐՏԱՀԱՆՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ ՀԱՅՏԻ
.____________________________________________________________.
| Հայտի հավելված N |
|____________________________________________________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__________________________________|_________________________|
|Էջերի ընդհանուր թիվը |Հայտատուի լիազորված անձը |
| |Ա.Ա.Հ. |
|Էջ N |Պաշտոնը |
| |Հեռախոսահամարը |
| |Ստորագրություն |
| |Ամսաթիվ |
.____________________________________________________________.
(1-ին ձևը փոփ. 10.07.18 թիվ 765-Ն որոշում)
Ձև N 2
ՀԱՅՏ
ՓՈԽՊԱՏՎԱՍՏՄԱՆ ՆՊԱՏԱԿՈՎ ՄԱՐԴՈՒ ԴՈՆՈՐԱԿԱՆ ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ, ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ՆԵՐՄՈՒԾՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ
._____________________________________________________________________.
|1. Հայտ N |2. Գործողության ժամկետը |
| |ՕՕ.ԱԱ.ՏՏՏՏ-ից մինչև ՕՕ.ԱԱ.ՏՏՏՏ |
|________________________|____________________________________________|
|3. Լիցենզիայի տեսակը |4. Պայմանագիր N |
| ՆԵՐՄՈՒԾՈՒՄ |(ամսաթիվ) |
|________________________|____________________________________________|
|5. Հայտատու |6. Վաճառող |
|________________________|____________________________________________|
|7. Նշանակման երկիր |8. Վաճառողի երկիր |
|________________________|____________________________________________|
|9. Պայմանագրի արժույթը |10. Պայմանագրի արժեքը|11. Վիճակագրական արժեք|
|________________________|_____________________|______________________|
|12. Ապրանքի ծագման երկիր|13. Քանակը |14. Չափման միավորը |
|_____________________________________________________________________|
|15. Ապրանքի ծածկագիրը` ըստ ԱՏԳ ՄԱԱ-ի և նկարագրությունը |
|_____________________________________________________________________|
|16. Լրացուցիչ տեղեկություններ |
|_____________________________________________________________________|
|17. Լիցենզիայի |18. Հայտատուի լիազորված անձ |
|տրամադրման հիմքը |Ա.Ա.Հ. |
| |Պաշտոնը |
| |Հեռախոսահամարը |
| |Ստորագրություն |
| |Ամսաթիվ |
._____________________________________________________________________.
ՀԱՎԵԼՎԱԾ ՓՈԽՊԱՏՎԱՍՏՄԱՆ ՆՊԱՏԱԿՈՎ ՄԱՐԴՈՒ ԴՈՆՈՐԱԿԱՆ ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ, ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ՆԵՐՄՈՒԾՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ ՀԱՅՏԻ
.____________________________________________________________.
| Հայտի հավելված N |
|____________________________________________________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__|_______________________________|______|__________________|
|N |Ապրանքի նկարագրությունը |քանակ | |
| | |______| չափման միավոր |
| | |արժեք | |
|__________________________________|_________________________|
|Էջերի ընդհանուր թիվը |Հայտատուի լիազորված անձը |
| |Ա.Ա.Հ. |
|Էջ N |Պաշտոնը |
| |Հեռախոսահամարը |
| |Ստորագրություն |
| |Ամսաթիվ |
.____________________________________________________________.
(2-րդ ձևը փոփ. 10.07.18 թիվ 765-Ն որոշում)
Ձև N 3
ՏԵՂԵԿԱՆՔ N _________
___ ______________ 20 թ.
Սույն տեղեկանքով հաստատվում է, որ ՀՀ առողջապահության նախարարության կողմից ________________________________________________________________
(հայտատուի` կազմակերպության անվանումը, գտնվելու վայրը կամ անհատ
ձեռնարկատիրոջ անունը, ազգանունը, բնակության վայրը, ՀՎՀՀ-ն, ամիսը,
ամսաթիվը)
տրված ___________________________
(լիցենզիայի տեսակը և թիվը)
լիցենզիան կամ եզրակացության (թույլատրման փաստաթուղթ) կատարվել է
____________
(ամիսը, ամսաթիվը)
և ենթակա է հսկողությունից հանման:
Մաքսային մարմնի _____________________________________
լիազոր անձ (ստորագրությունը, անունը, ազգանունը)
Կ.Տ. (դրոշմակնիք)
(3-րդ ձևը փոփ. 03.04.2025 թիվ 360-Ն որոշում)
Ձև N 4
ՓՈԽՊԱՏՎԱՍՏՄԱՆ ՆՊԱՏԱԿՈՎ ԴՈՆՈՐԱԿԱՆ ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ, ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ՆԵՐՄՈՒԾՄԱՆ ԼԻՑԵՆԶԻԱ
._____________________________________________________________________.
|Լիազոր մարմին |
|_____________________________________________________________________|
|1. Լիցենզիա N |2. Գործողության ժամանակահատվածը |
| |ՕՕ.ԱԱ.ՏՏՏՏ-ից մինչև ՕՕ.ԱԱ.ՏՏՏՏ |
|________________________|____________________________________________|
|3. Լիցենզիայի տեսակ |4. Պայմանագիր N |
|ՆԵՐՄՈՒԾՈՒՄ |(ամսաթիվ) |
|________________________|____________________________________________|
|5. Հայտատու |6. Գնորդ |
|________________________|____________________________________________|
|7. Նշանակման երկիր |8. Գնորդի երկիր |
|________________________|____________________________________________|
|9. Պայմանագրի արժույթ |10. Արժեք |11. Վիճակագրական արժեք|
|________________________|_____________________|______________________|
|12. Ծագման երկիր |13. Քանակ |14. Չափման միավորը |
|_____________________________________________________________________|
|15. Ապրանքի ծածկագիրը` ըստ ԱՏԳ ՄԱԱ-ի և նկարագրությունը |
|_____________________________________________________________________|
|16. Լրացուցիչ տեղեկություններ |
|_____________________________________________________________________|
|17. Լիցենզիայի |18. Հայտատուի լիազորված անձը |
|տրամադրման հիմքը |Ա.Ա.Հ. |
| |Պաշտոնը |
| |Հեռախոսահամարը |
| |Ստորագրություն Ամսաթիվ |
|_____________________________________________________________________|
|19. Հայաստանի Հանրապետության |
|առողջապահության նախարարության |
|գլխավոր քարտուղար |
|Ա.Ա.Հ. Ստորագրություն Ամսաթիվ |
._____________________________________________________________________.
(4-րդ ձևը փոփ. 10.07.18 թիվ 765-Ն, 03.04.2025 թիվ 360-Ն որոշումներ)
Ձև N 5
ՄԱՐԴՈՒ ԱՐՅԱՆ ԵՎ ԴՐԱ ԲԱՂԱԴՐԱՄԱՍԵՐԻ ԱՐՏԱՀԱՆՄԱՆ ԼԻՑԵՆԶԻԱ
._____________________________________________________________________.
|Լիազոր մարմին |
|_____________________________________________________________________|
|1. Լիցենզիա N |2. Գործողության ժամանակահատվածը |
| |ՕՕ.ԱԱ.ՏՏՏՏ-ից մինչև ՕՕ.ԱԱ.ՏՏՏՏ |
|________________________|____________________________________________|
|3. Լիցենզիայի տեսակ |4. Պայմանագիր N |
|ԱՐՏԱՀԱՆՈՒՄ |(ամսաթիվ) |
|________________________|____________________________________________|
|5. Հայտատու |6. Վաճառող |
|________________________|____________________________________________|
|7. Նշանակման երկիր |8. Վաճառողի երկիր |
|________________________|____________________________________________|
|9. Պայմանագրի արժույթ |10. Արժեք |11. Վիճակագրական արժեք|
|________________________|_____________________|______________________|
|12. Ծագման երկիր |13. Քանակ |14. Չափման միավորը |
|_____________________________________________________________________|
|15. Ապրանքի ծածկագիրը` ըստ ԱՏԳ ՄԱԱ-ի և նկարագրությունը |
|_____________________________________________________________________|
|16. Լրացուցիչ տեղեկություններ |
|_____________________________________________________________________|
|17. Լիցենզիայի |18. Հայտատուի լիազորված անձը |
|տրամադրման հիմքը |Ա.Ա.Հ. |
| |Պաշտոնը |
| |Հեռախոսահամարը |
| |Ստորագրություն Ամսաթիվ |
|_____________________________________________________________________|
|19. Հայաստանի Հանրապետության |
|առողջապահության նախարարության |
|գլխավոր քարտուղար |
|Ա.Ա.Հ. Ստորագրություն Ամսաթիվ |
._____________________________________________________________________.
(5-րդ ձևը փոփ. 10.07.18 թիվ 765-Ն, 03.04.2025 թիվ 360-Ն որոշումներ)
Ձև 6
ԵԶՐԱԿԱՑՈՒԹՅՈՒՆ (ԹՈՒՅԼԱՏՐՄԱՆ ՓԱՍՏԱԹՈՒՂԹ)
Զակլյուչենիե (ռազռեշիտելնիիհ դօկումենտ)
N AM / 202 ___ /__________
__________________________________________
(եզրակացությունը տված Եվրասիական տնտեսական միության անդամ պետության պետական մարմնի անվանումը) (Նաիմենօվանիե օռգանա գօսուդառստվեննօիհ վլաստի գօսուդառստվա չլենա Եվրազիիհսկօգօ էկոնոմիչեսկօգօ սոյուզա, վիդավշեգօ զակլյուչենիե)
Տրվել է
(Վիդանօ)_______________________________________________________________
(Իրավաբանական անձի անվանումը, գտնվելու վայրը, երկիրը, ֆիզիկական անձի
դեպքում` ազգանունը, անունը, հայրանունը)
(Նազվանիե օռգանիզացիի, ադռես, ստռանա / դլյա ֆիզիչեսկիխ լից Ֆ.Ի.Օ.)
Տեղափոխման ձևը (Վիդ պեռեմեշչենիյա)____________________________________
(Տեղափոխման ձևը) (Վիդ պեռեմեշչենիյա)
_________________________/ /_____________________________________
(Միասնական ցանկի բաժինը) (Ռազդել Եդինօգօ պեռեչնյա) (ԵԱՏՄ ԱՏԳ ԱԱ
ծածկագիրը) (Կօդ TH ՎԷԴ ԵԱԷՍ)
._______________________________________________________.
|Ապրանքի անվանումը |Քանակը |Չափման միավորը |
|(նաիմենօվանիե տօվառա)|(Կօլիչեստվօ)|(Եդինիցա իզմեռենիյա)|
|_____________________|____________|____________________|
| | | |
._______________________________________________________.
Ստացողը/ուղարկող ___________________________________
(Պօլուչատել/օտպռավիտել) (անվանումը, գտնվելու վայրը, երկիրը)
(Նազվանիե, յուրիդիչեսկիիհ ադռես, ստռանա)
______________________
Նշանակման/ուղարկման երկիրը
(Ստռանա նազնաչենիյա /օտպռավլենիյա) __________________________________
_________________________________
Ներմուծման (արտահանման) նպատակը
(Ցել վվօզա (վիվօզա)) Թերապևտիկ օգտագործման համար
__________________________________
Ժամանակավոր ներմուծման/
արտահանման ժամկետը
(Սռօկ վռեմեննօգօ վվօզա (վիվօզա)) __________________________________
_________________________________ __________________________________
Հիմքը (Օսնօվանիե)
_________________________________
Լրացուցիչ տեղեկություններ __________________________________
(Դօպօլնիտելնայա ինֆօռմացիյա) __________________________________
_________________________________
Տարանցիկ երկիրը __________________________________
(Ստռանա տռանզիտա) __________________________________
(Տարածքով տարանցիկ փոխադրում)
(Տռանզիտ պօ տեռռիտօռիի)
______________________ Ամսաթիվը (Դատա) __________________
Ստորագրությունը Կ. Տ. (Մ. Պ.)
(Պօդպիս)
______________________
Եզրակացությունն ուժի մեջ է մինչև
(Զակլյուչենիե դեյստվիտելնօ պօ) __________________________
______________________________________________________________
(Ա. Ա. Հ.) (Ֆ.Ի.Օ.)
ՀՀ ԱՆ գլխավոր քարտուղար
________________________________________________________________
(Պաշտոնը) (Դօլժնօստ)
(6-րդ ձևը լրաց. 03.04.2025 թիվ 360-Ն որոշում)
Ձև 7
ԿԵՆՍԱԲԱՆԱԿԱՆ ԾՆՈՂԻ (ԾՆՈՂՆԵՐԻ) ԳՐԱՎՈՐ ՀԱՄԱՁԱՅՆՈՒԹՅՈՒՆ
1. _______________ քաղաքացի ____________________ /ծնված` __________ թ.,
(քաղաքացիության երկիր) (անուն, ազգանուն)
անձնագիր ______________________,
տրված` «____» ________ 20 թ. -ի կողմից, հաշվառված _________ հասցեում և
2. _________________ քաղաքացի____________________ /ծնված` __________թ.,
(քաղաքացիության երկիր)
___________ անձնագիր ___________, տրված` «_______» ___________ 20 թ. -ի կողմից, հաշվառված _________________ հասցեում,
3. Տալիս եմ (ենք) իմ (մեր) համաձայնությունը _____________________ բժշկական կազմակերպությունը (այսուհետ` կազմակերպություն), ի դեմս տնօրեն ____________________, որը գործում է ընկերության կանոնադրության հիման վրա, հետևյալի մասին.
1) կազմակերպել իմ, որպես կենսաբանական ծնող, և դոնորի սեռաբջիջների միաձուլման արդյունքում ստացված սաղմի
[] ներմուծումը Հայաստանի Հանրապետություն
[] արտահանումը ______________________________
(երկրի անվանումը)
2) կազմակերպել մեր, որպես կենսաբանական ծնողների, սեռաբջիջների միաձուլման արդյունքում ստացված սաղմի
[] ներմուծումը Հայաստանի Հանրապետություն
[] արտահանումը _____________________________
(երկրի անվանումը)
3) կազմակերպել իմ, որպես կենսաբանական ծնող, սեռաբջիջների (սպերմա, ձվաբջիջ. ընդգծել)
[] ներմուծումը Հայաստանի Հանրապետություն
[] արտահանումը ____________________________
(երկրի անվանումը)
Քաղաքացի
(ԱԱՀ, անձնագրի N, ստորագրություն)
Քաղաքացի
(ԱԱՀ, անձնագրի N, ստորագրություն)
«_____ «____________ 202 _թ.
(7-րդ ձևը լրաց. 03.04.2025 թիվ 360-Ն որոշում)
Ձև 8
ՏԵՂԵԿԱՆՔ
Տրվում է
____________ քաղաքացի _____________________-ին, ծնված`________________
(քաղաքացիության երկիր) (անուն, ազգանուն)
անձնագիր ______________, տրված` «_____» _____________ 20 թ. -ի կողմից, հաշվառված _________________ հասցեում առ այն, որ նա հանդիսանում է ներմուծման, արտահանման (ընդգծել) ենթակա
[] սեռաբջիջների` ձվաբջիջ, սերմ (ընդգծել)
[] սաղմի կենսաբանական ծնողը
______________ քաղաքացի __________________________ -ին, ծնվ. _________
(քաղաքացիության երկիր) (անուն, ազգանուն)
անձնագիր _____________, տրված` «_______» __________ 20 թ. -ի կողմից, հաշվառված հասցեում առ այն, որ նա հանդիսանում է ներմուծման, արտահանման (ընդգծել) ենթակա
[] սեռաբջիջների` ձվաբջիջ, սերմ (ընդգծել)
[] սաղմի կենսաբանական ծնողը:
Լրացուցիչ տեղեկատվություն ներմուծման, արտահանման (ընդգծել) ենթակա սեռաբջիջների կամ սաղմի վերաբերյալ`
1. կենսանյութի տեսակ և կրիոկոնսերվացման ամսաթիվ ______________________
2. սառեցված կենսանյութի որակ ______________________________
3. սառեցված կենսանյութի քանակ ____________________________
4. սառեցման և պահպանման ժամանակ օգտագործված միջավայր ______________
Բժշկական կազմակերպության տնօրենի ԱԱ, ստորագրություն
Կ.Տ.
(8-րդ ձևը լրաց. 03.04.2025 թիվ 360-Ն որոշում)
-------------------------------------------------------
ԻՐՏԵԿ - շարունակությունը հաջորդ մասերում