ԼՈՌՈՒ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

040.0631.141099

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«14» հոկտեմբերի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

14 հոկտեմբերի 1999 թվականի թիվ 631

ԼՈՌՈՒ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Ամերիկյան կարմիր խաչի կողմից «Լինսի - 2» ծրագրի շրջանակներում Սպիտակում բնակելի շենքերի կառուցման համար տարածքների նախապատրաստման (շենքերի, շինությունների քանդում, տնակների տեղահանում և տեղափոխում, փլատակների մաքրում) նպատակով Հայաստանի Հանրապետության կառավարությունը որոշում է.

1. Լոռու մարզպետարանին հատկացնել 20,0 մլն դրամ` Հայաստանի Հանրապետության 1999 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

2. Հայաստանի Հանրապետության ֆինանսների նախարարությանը` նշված գումարը հատկացնել Լոռու մարզպետարանի կողմից ներկայացված թերության և փաստացի կատարողական ակտերի հիման վրա:

3. Սույն որոշումն ուժի մեջ է մտնում 1999 թվականի հոկտեմբերի 14-ից: