040.1419.141209
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
3 դեկտեմբերի 2009 թվականի N 1419-Ն
ՇԻՆԱՐԱՐԱԿԱՆ ԱՊԱԿԻՆԵՐԻՆ ՆԵՐԿԱՅԱՑՎՈՂ ԱՆՎՏԱՆԳՈՒԹՅԱՆ ՊԱՀԱՆՋՆԵՐԻ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ
(2-րդ մաս)
ՏԵԽՆԻԿԱԿԱՆ ԿԱՆՈՆԱԿԱՐԳ ՇԻՆԱՐԱՐԱԿԱՆ ԱՊԱԿԻՆԵՐԻՆ ՆԵՐԿԱՅԱՑՎՈՂ ԱՆՎՏԱՆԳՈՒԹՅԱՆ ՊԱՀԱՆՋՆԵՐԻ
(2-րդ մաս)
61. Արտադրական շենքերի արտաքին ապակեպատվածքի համար պետք է ընտրվեն ապակիներ (ապակեկապոցներ), որոնք շահագործման նորմալ պայմաններում (ներքին օդի 18 C ջերմաստիճանի դեպքում) և ամենացուրտ հնգօրյակի ջերմաստիճանին հավասար 0,92-ի ապահովությամբ օգտագործման շրջանի համար` ըստ բազմամյա օդերևութաբանական դիտարկումների տվյալների, ապահովում են պատուհանի կենտրոնում ապակու ներքին մակերևույթի ջերմաստիճանը ոչ պակաս 0 C-ից:
62. Արտաքին աղմկապաշտպան ապակեպատումը նախատեսվում է օդային աղմուկի նվազեցման համար:
63. Շինվածքները պետք է ունենան աղմկապաշտպանիչ հետևյալ ցուցանիշները`
1) Ռվ (Rw) - օդային աղմուկի նվազեցման ինդեքս.
2) ՌԱ ավիա (RA avia) - օդային տրանսպորտի օդային աղմուկի նվազեցման ինդեքս.
3) ՌԱտրանս (RA trans) - վերգետնյա տրանսպորտի օդային աղմուկի նվազեցման ինդեքս:
64. Շինվածքների աղմկապաշտպանիչ ցուցանիշներն ընտրվում են` կախված շենքերի և շինությունների դասավորվածությունից:
65. Աղմկապաշտպանիչ ապակեպատվածքն օգտագործվում է այն շենքերի և շինությունների արտաքին ապակեպատվածքի համար, որոնք մերձակա են տրանսպորտի ինտենսիվ շարժման մայրուղիներին, օդանավակայաններին, աղմկոտ արտադրություններին, մարզադաշտերին և զվարճանքի օբյեկտներին:
66. Շենքերում և շինություններում օգտագործվող շինվածքների աղմկապաշտպանության նվազագույն պահանջները տրված են N 13 աղյուսակում:
Աղյուսակ N 13
Շենքերում և շինություններում օգտագործվող շինվածքների աղմկապաշտպանության նվազագույն պահանջների ցուցանիշները
.______________________________________________________________.
|Սենքերի նշանակությունը |RA տրանս-ի պահանջվող մեծությունները` |
| |դԲԱ, շենքի ճակատի մոտ ձայնի համարժեք |
| |մակարդակների դեպքում` դԲԱ, տրանսպորտի|
| |առավել ինտենսիվ երթևեկության ժամանակ|
| |(ցերեկվա ընթացքում, «պիկ» ժամերին) |
| |_____________________________________|
| | 60 | 65 | 70 | 75 | 80 |
|________________________|______|_______|_______|______|_______|
|1. Բուժական հիմնարկների | 15 | 20 | 25 | 30 | 35 |
|հիվանդասենյակների, | | | | | |
|բժշկական հիմնարկների | | | | | |
|առանձնասենյակներ, | | | | | |
|բնակելի սենքեր | | | | | |
|________________________|______|_______|_______|______|_______|
|2. Աշխատասենյակներ, | - | - | 15 | 20 | 25 |
|առանձնասենյակներ` | | | | | |
|վարչական շենքերում և | | | | | |
|օֆիսներում | | | | | |
.______________________________________________________________.
XII. ՇԵՆՔԵՐՈՒՄ ԵՎ ՇԻՆՈՒԹՅՈՒՆՆԵՐՈՒՄ ՕԳՏԱԳՈՐԾՎՈՂ ԱՊԱԿՈՒ ԵՎ ԱՊԱԿՈՒՑ ՇԻՆՎԱԾՔՆԵՐԻ ՕԳՏԱՀԱՆՄԱՆ ԱՆՎՏԱՆԳՈՒԹՅԱՆ ՊԱՀԱՆՋՆԵՐԸ
67. Թերթապակին (այդ թվում` թափանցիկ, գունավոր, ծածկույթով, բազմաշերտ, հրակայուն, մխված, դեկորատիվ ապակի), տրամատային ապակին, ապակե բլոկներն էկոլոգիապես անվտանգ են: Արտադրության գործընթացում, տեղափոխման, պահման և օգտագործման ժամանակ շրջակա միջավայր չեն արտանետում տոկսիկ նյութեր և ճառագայթավտանգ չեն:
68. 71-րդ կետում նշված շինվածքների օգտահանումը պետք է կատարվի արդյունաբերական վերամշակման եղանակով:
69. Հերմետիկներ, մետաղական իրեր պարունակող ապակուց շինվածքների (ապակեկապոցներ և ամրանավորված ապակի) թափոնների օգտահանման ընթացքում պետք է բաժանվեն մասերի (բացի այն շինվածքներից, որոնց թափոնների օգտահանումն արդյունաբերական վերամշակման չի ենթարկվում): Շինվածքի կազմության յուրաքանչյուր տարի ենթակա է առանձին-առանձին օգտահանման:
70. Մասնատումը պետք է կատարվի ըստ տեխնոլոգիական փաստաթղթերի և անվտանգության տեխնիկայի պահանջների:
71. Արդյունաբերական վերամշակման չենթարկվող ապակու թափոնների օգտահանումը կատարվում է մասնագիտացված պոլիգոններում:
XIII. ԱՆՎՏԱՆԳՈՒԹՅԱՆ ՊԱՀԱՆՋՆԵՐ ՇԵՆՔԵՐՈՒՄ ԵՎ ՇԻՆՈՒԹՅՈՒՆՆԵՐՈՒՄ ՕԳՏԱԳՈՐԾՎՈՂ ԱՊԱԿՈՒ ԵՎ ԱՊԱԿՈՒՑ ՇԻՆՎԱԾՔՆԵՐԻ ՓԱԹԵԹԱՎՈՐՄԱՆԸ ԵՎ ՄԱԿՆՇՄԱՆԸ
72. Շինվածքները պետք է պահվեն և փոխադրվեն փաթեթավորված և մակնշված:
73. Շինվածքները պետք է փաթեթավորված լինեն արկղերի, փաթեթների, բուրգերի, բեռնարկղերի կամ այլ տեսակի տարաների մեջ, ապակու պաշտպանությունը պատահական հարվածներից, կոշտ իրերի հետ հպումից և թրթռումից ապահովելու համար: Շինվածքները տեղադրվում են տարայի մեջ մեղմիչ նյութի վրա, որը չի պարունակում քերծող ներառուկներ և ապահովում է շինվածքի պահպանվածությունը: Արկղերը, բեռնարկղերը և այլ տեսակի տարաներ պետք է պահպանեն հաշվարկային բեռնվածքները փոխադրման և պահման պայմաններում` համապատասխան սույն տեխնիկական կանոնակարգի պահանջներին և բեռների փոխադրման կանոններին: Տարայի նորմատիվ փաստաթղթերում պետք է նշված լինի տարայի մեջ բեռնվող արտադրանքի առավելագույն քանակը:
74. Շինվածքների վրա պետք է ցանված լինի հատուկ փոշի` վերաշարված թղթով, ծալքավոր ստվարաթղթով և այլ միջադիր նյութերով, քերծող ներառուկներ չպարունակող և ապակու հետ չփոխազդող:
75. Շինվածքների մակնշումը պետք է համապատասխանի հետևյալ պահանջներին`
1) բազմաշերտ ապակուց շինվածքներ` պետք է ունենան մակնշում: Բազմաշերտ ապակուց յուրաքանչյուր շինվածքի վրա, աշխատանքային գոտու ներքևի ձախ անկյունում (կախված ապակուց շինվածքի դիրքից լուսաթափանց կոնստրուկցիայում) նշում են հստակ չլվացվող մակնշում, որը կարդացվում է սենքից և պարունակում է`
ա. անվանումը և (կամ) արտադրող կազմակերպության ապրանքանիշը,
բ. պատրաստման ամիսը և տարեթիվը,
գ. բազմաշերտ ապակու պայմանական նշանը.
2) մխված ապակի` յուրաքանչյուր ապակու վրա, ներքևի ձախ անկյունում (համեմատ սենքին) նշում են հստակ չլվացվող մակնշում, որը պարունակում է`
ա. անվանումը և (կամ) արտադրող կազմակերպության ապրանքանիշը,
բ. մխված ապակու պայմանական նշանը:
Ծածկույթով մխված ապակին մակնշում են ներքևի ձախ անկյունում այն կողմից, որտեղ ծածկույթ չկա.
3) ապակեկապոցներ` յուրաքանչյուր ապակեկապոցի վրա (հեռավորական շրջանակի վրա կամ ներքևի ձախ անկյունում) նշում են հստակ չլվացվող մակնշում, որը կարդացվում է սենքից և պարունակում է`
ա. անվանումը և (կամ) արտադրող կազմակերպության ապրանքանիշը,
բ. պատրաստման ամիսը և տարին:
Այն դեպքում, երբ ապակեկապոցում օգտագործվում է բազմաշերտ կամ մխված ապակի, մակնշումն ապակեկապոցի վրա պետք է պարունակի պայմանական նշան կամ էլ դասավորված լինի այնպես, որ տեսանելի լինի բազմաշերտ կամ մխված ապակու մակնշումը.
4) հրակայուն ապակի` յուրաքանչյուր հրակայուն ապակու վրա նշում են հստակ չլվացվող մակնշում, որը պարունակում է`
ա. անվանումը և (կամ) արտադրող կազմակերպության ապրանքանիշը,
բ. պայմանական նշանը և (կամ) առևտրային մակնիշը,
գ. հրակայունության դասը,
դ. հաստությունը, մմ,
5) թերթապակու, ամրանավորված, զարդանկարավոր (նախշավոր), դեկորատիվ, ծածկույթով ապակիների համար մակնշումն ապակու վրա պարտադիր չէ:
76. Մակնշումն ապակե բլոկի, ինչպես նաև շինվածքի տարայի վրա պետք է լինի արտադրանքի մասին` հետևյալ տեղեկություններով`
1) անվանումը և (կամ) արտադրող կազմակերպության ապրանքանիշը.
2) ապակու (շինվածքի) պայմանական նշանը և (կամ) ապակու (շինվածքի) առևտրային մակնիշը.
3) ապակու կամ շինվածքի քանակը հատուկ և (կամ) մ2:
XIV. ԱՆՎՏԱՆԳՈՒԹՅԱՆ ՊԱՀԱՆՋՆԵՐ ՇԵՆՔԵՐՈՒՄ ԵՎ ՇԻՆՈՒԹՅՈՒՆՆԵՐՈՒՄ ՕԳՏԱԳՈՐԾՎՈՂ ԱՊԱԿՈՒ ԵՎ ԱՊԱԿՈՒՑ ՇԻՆՎԱԾՔՆԵՐԻ ՊԱՀՄԱՆԸ ԵՎ ՓՈԽԱԴՐՄԱՆԸ
77. Շինվածքները փոխադրում են բոլոր տեսակի փոխադրամիջոցներով այն պայմանով, որ փոխադրման ընթացքում ապահովվի արտադրանքի պահպանվածությունը և պաշտպանվի մթնոլորտային ազդեցություններից, հարվածներից և թրթռումներից: Շինվածքների տեղադրումը և ամրացումը տրանսպորտային միջոցներում պետք է կատարվեն այնպես, որ փոխադրման ընթացքում արտադրանքով տարան չկարողանա տեղաշարժվել և բեռնաթափման ժամանակ հասանելի լինի` չենթարկելով անթույլատրելի ռիսկի մարդկանց կյանքը և առողջությունը: Սպառողը և փոխադրողը պարտավոր են ծանոթանալ արտադրողի կողմից տրամադրված շինվածքների անվտանգ պահման, փոխադրման և տեղափոխման մասին տեղեկատվության հետ:
78. Բեռնարկղերով, արկղերով կամ ուրիշ տեսակի տարայով ապակու փոխադրման ժամանակ ապակին տեղադրում են այնպես, որ ապակու թերթերը և ապակուց շինվածքները դասավորված լինեն շարժման ուղղությամբ (բացի ջրային տրանսպորտով փոխադրումից):
79. Շինվածքների փոխադրման, բեռնման և բեռնաթափման ժամանակ պետք է միջոցներ ձեռնարկվեն մեխանիկական վնասումներից պահպանվածությունն ապահովելու համար:
80. Շինվածքներով յուրաքանչյուր տարա արգելվում է տեղափոխել մարդկանց վրայով:
81. Շինվածքները (տարայով կամ առանց տարայի) պետք է պահվեն չոր ջեռուցվող փակ սենքերում: Շինվածքները չպետք է պահվեն բեռնարկղերում:
82. Ապակու թերթերը և ապակուց շինվածքները պահման ժամանակ (տարայով կամ առանց տարայի) պետք է տեղադրված լինեն հատուկ կոնստրուկցիաների վրա (բուրգեր կամ դարակաշարեր), մեղմիչ տակդիրների վրա թեք դիրքով, ուղղաձիգի նկատմամբ 3o-15o թեքության անկյունով:
83. Եթե փոխադրման տարան խոնավ է, ապա անհրաժեշտ է շինվածքը բացել փակ սենքերում և ապահովել ապակու (շինվածքի) չորացումը:
XVI. ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ
84. Շինվածքներում չափումների միասնականության ապահովումը պետք է իրականացվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:
XVII. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
85. Սույն տեխնիկական կանոնակարգով նախատեսված անվտանգության պահանջների ապահովումը պետք է իրականացվի «Տեխնիկական կանոնակարգման մասին», «Հայաստանի Հանրապետությունում ստուգումների կազմակերպման և անցկացման մասին» օրենքներով սահմանված կարգով:
(85-րդ կետը փոփ. 27.04.2023 թիվ 597-Ն որոշում)