26.07.2024 -
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
12 հուլիս 2024 թվականի N 217-Ն
ՄԱԿԵՐԻԿԱՄԻ ՉԱՐՈՐԱԿ ՆՈՐԱԳՈՅԱՑՈՒԹՅՈՒՆՆԵՐՈՎ ՊԱՑԻԵՆՏԻ ՎԱՐՄԱՆ ԳՈՐԾԵԼԱԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Բնակչության բժշկական օգնության և սպասարկման մասին» օրենքի 2-րդ հոդվածի 1-ին մասի 31-րդ կետը`
Հրամայում եմ
1. Հաստատել մակերիկամի չարորակ նորագոյացություններով պացիենտի վարման գործելակարգը` համաձայն hավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
ՀՀ առողջապահության նախարարի
12 հուլիս 2024 թվականի
N 217-Ն հրամանի
ԳՈՐԾԵԼԱԿԱՐԳ
ՄԱԿԵՐԻԿԱՄԻ ՉԱՐՈՐԱԿ ՆՈՐԱԳՈՅԱՑՈՒԹՅՈՒՆՆԵՐՈՎ ՊԱՑԻԵՆՏԻ ՎԱՐՄԱՆ
1. Նոզոլոգիաների խումբ` ըստ հիվանդությունների և առողջության հետ կապված խնդիրների վիճակագրական 10–րդ վերանայման դասակարգչի.
| Հ/Հ |
Կոդը |
Անվանում |
| 1) |
C74 |
Մակերիկամի չարորակ նորագոյացություններ |
| 2) |
C74.0 |
Մակերիկամի կեղևի |
| 3) |
C74.1 |
Մակերիկամի ուղեղային շերտի |
| 4) |
C74.9 |
Մակերիկամի չճշտված մասերի |
2. Նոզոլոգիաների խումբը կիրառելի է` ըստ սույն հավելվածով սահմանված Ձև 1–ի.
Ձև 1
| 1) |
Տարիքային խումբ (նորածին, երեխա, դեռահաս, մեծահասակ) |
Մեծահասակ, երեխա, դեռահաս |
| 2) |
Սեռ (արական, իգական) |
Արական, իգական |
| 3) |
Բարդություններ (առանց բարդությունների (ԱԲ), բարդություններով (Բ)) |
ԱԲ, Բ |
| 4) |
Հիվանդության փուլը (նկարագրել) |
T` Առաջնային ուռուցք
TX` Առաջնային ուռուցքի մասին չկա տեղեկություն
T0` Առաջնային ուռուցքի մասին ապացույցներ չկան
Tis` Ուռուցք տեղում
T1` Ուռուցքի չափը < 5.0 սմ
T2` Ուռուցքի չափը > 5.0 սմ, սակայն դուրս չի գալիս մակերիկամի սահմաններից T3` Ուռուցքը դուրս է գալիս մակերիկամի սահմաններից անկախ չափից
T4` Ուռուցքը ներաճում է շրջակա օրգանների կամ անոթների մեջ
N` Ավշային հանգույցներ
NX` ռեգիոնար ավշային հանգույցների ընդգրկվածությունը հաստատված չէ
N0` չկա ռեգիոնար ավշային հանգույցներում մետաստազ
N1` մետաստազների առկայություն ավշային հանգույցներում
M` Հեռավոր մետաստազներ
MX` հեռավոր մետաստազի մասին չկա տեղեկություն
M0` հեռավոր մետաստազ չկա
M1` առկա է հեռավոր մետաստազ
| Փուլեր |
Չափորոշիչ T |
Չափորոշիչ N |
Չափորոշիչ M |
| I |
T1 |
N0 |
M0 |
| II |
T2 |
N0 |
M0 |
| III |
T1 T2 T3 T4 |
N1 N1 Ցանկացած N Ցանկացած N |
M0 M0 M0 M0 |
| IV |
Ցանկացած T |
Ցանկացած N |
M1 | |
| 5) |
Բժշկական օգնության և սպասարկման պայմանները (բժշկական կազմակերպությունից դուրս, արտահիվանդանոցային պայմաններում, ցերեկային ստացիոնարի պայմաններում, հիվանդանոցային պայմաններում) |
Բժշկական կազմակերպությունից դուրս, արտահիվանդանոցային պայմաններում, ցերեկային ստացիոնարի պայմաններում, հիվանդանոցային պայմաններում |
| 6) |
Բժշկական օգնության և սպասարկման ծառայությունների մատուցման ձևը (շտապ, անհետաձգելի, պլանային) |
Անհետաձգելի, շտապ, պլանային |
| 7) |
Կիրառման շրջանակը (նշել մասնագետների շրջանակը) |
Որովայնային /լապարոսկոպիկ/ ընդհանուր վիրաբույժ, բժիշկ – էնդոսկոպիստ, ճառագայթային ախտորոշման մասնագետ, ախտաբանական անատոմիայի և կլինիկական մորֆոլոգիայի մասնագետ, քիմիաթերապևտ-ուռուցքաբան, ճառագայթային ուռուցքաբան, սրտաբան, հոգեբույժ, նուտրիցիոլոգ, աղեստամոքսաբան, առողջության առաջնային պահպանման ծառայություններ մատուցող բժշկական հաստատության ուռուցքաբան, անոթային վիրաբույժ, նյարդավիրաբույժ, էնդոկրինոլոգ (ներզատաբան) |
| 8) |
Գանգատներ |
ա. առանց գանգատների,
բ. գանգատների առկայությամբ` ցավեր որովայնի և գոտկային շրջաններում, աղիների անկանոն աշխատանք, փորկապություն, քրտնարտադրություն, թուլություն, ախորժակի բացակայություն, սրտխառնոց, որովայնի չափերի մեծացում, փքվածություն, մկանային թուլություն և լարվածություն, գլխացավ, զարկերակային ճնշման բարձրացում, քաշի անկում, կախեքսիա: |
| 9) |
Անամնեզ |
Գլխացավեր, ցավեր որովայնի շրջանում, զարկերակային ճնշման բարձրացումներ |
| 10) |
Զննման արդյունք/Ցուցում |
Ծավալային գոյացության հայտնաբերում, լաբորատոր կլինիկական և ճառագայթային ախտորոշիչ հետազոտությունների արդյունքների հետ համադրում |
| 11) |
Հոսպիտալացման Ցուցում |
Պլանային վիրահատություն, պլանային քիմիաթերապիա, պլանային/շտապ ճառագայթային թերապիա, կյանքին վտանգ սպառնացող իրավիճակներում շտապ հոսպիտալացում վիրաբուժական և/կամ ինտենսիվ թերապիայի բաժանմունք |
3. Բժիշկ-մասնագետի կողմից պացիենտի զննումը, խորհրդատվությունը իրականացվում է ըստ Ձև 2–ի (անհրաժեշտության դեպքում անհրաժեշտ է նշել հիվանդության փուլերը).
Ձև 2
| Հ/հ |
Խորհրդատվության տեսակը |
Տրամադրման քանակը |
| ԱԲ |
Բ |
| 1) |
Տվյալ նոզոլոգիական խմբում խորհրդատվությունների քանակը, բնույթը և ընդգրկված մասնագետների քանակը դիտվում է յուրովի և կախված է տվյալ կլինիկական դեպքի նրբությունների և/կամ ուղեկցող նոզոլոգիական խմբերի առկայությունից և/կամ բացակայությունից |
1 |
1 |
4. Սույն հավելվածի Ձև 2–ում նշված տրամադրվող քանակների համար նշվում է միջինացված ցուցանիշ, նկատի ունենալով տվյալ զննման, խորհրդատվության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ զննման, խորհրդատվության իրականացման հաճախականությունը:
5. Լաբորատոր-գործիքային ախտորոշիչ հետազոտություններն իրականացվում են` ըստ Ձև 3–ի (անհրաժեշտության դեպքում անհրաժեշտ է նշել հիվանդության փուլերը).
Ձև 3
|
Լաբորատոր հետազոտություններ |
| Հ/Հ |
Կոդը |
Անվանումը |
Տրամադրման քանակը |
Արդյունք |
| ԱԲ |
Բ |
| 1) |
Առկա չէ |
Արյան ընդհանուր և բիոքիմիական հետազոտություններ, կոագուլոգրամմա, էլեկտրոլիտներ, արյան խումբ, սերոլոգիական հետազոտություն: CEA` քաղցկեղային էմբրիոնալ հակածին, Ca 19-9` շրջանառվող ուռուցքային անտիգեն: Հորմոնալ հետազոտություններ` կորտիզոլ, թիրոքսին, թիրեոտրոպ հորմոն (TSH), ադրենոկորտիկոտրոպ հորմոն (AKTH), նորադրենալին, ադրենալին, հակամիզամուղային հորմոն (ADH) |
1 |
1 |
Շեղումների հայտնաբերում |
| 2) |
Առկա չէ |
Բիոպտատի/պրեպարատի հյուսվածքաբանական հետազոտություն: Իմունոհիստոքիմիական հետազոտություն: Գենետիկ մուտացիաների որոշում MSI (միկրոսատելիտային անկայունության) ստատուսի, EGFR, KRAS, BRAF, ALK, ROS, MET, RET, HER, NTRK, NGS (նոր սերնդի սեկվենավորում) |
1 |
1 |
Ուռուցքի հյուսվածքաբանական տեսակի, գենետիկ պրոֆիլի ճշտում |
|
Գործիքային հետազոտություններ |
| 3) |
Առկա չէ |
Պոլիօրգան համակարգչային տոմոգրաֆիա` ն/ե կոնտրաստավորմամբ |
1 |
1 |
Ճառագայթային ախտորոշիչ հետազոտություններով պարզաբանվում է պրոցեսի տարածվածությունը, ավշային հանգույցների ընդգրկվածությունը |
| 4) |
Առկա չէ |
Պոզիտրոն-էմիսիոնային տոմոգրաֆիա` ըստ ցուցման |
1 |
1 |
| 5) |
Առկա չէ |
Գերձայնային հետազոտություն` ըստ ցուցման |
1 |
1 |
| 6) |
Առկա չէ |
Միջուկամագնիսային-ռեզոնանսային տոմոգրաֆիա` ըստ ցուցման |
1 |
1 |
| 7) |
Առկա չէ |
Գերձայնային հետազոտություն կամ համակարգչային տոմոգրաֆիա` ուղղորդված տրեպան բիոպսիայով (ըստ ցուցման) |
1 |
1 |
| 8) |
Առկա չէ |
Կոլոնոսկոպիա` բիոպսիայով, ֆիբրոէզոֆագոգաստրոդուոդենոսկոպիա |
1 |
1 |
Սույն Էնդոսկոպիկ հետազոտությունները կատարվում են այլ պաթոլոգիաները ժխտելու նպատակով |
| 9) |
Առկա չէ |
Կորոնարոգրաֆիա, համակարգչային տոմոգրաֆիա-անգիոգրաֆիա |
1 |
1 |
Էնդովասկուլյար միջամտությունների արդյունքում որոշվում է սրտի սնուցող անոթների անցանելիությունը, ինչպես նաև ուրգենտ կարգավիճակներում` արյունահոսության դադարեցում, ստուգվում են հաստ աղին սնուցող անոթները` վիրահատության ծավալը որոշելու համար, լյարդի մետաստատիկ օջախների համար կիրառվում է օջախը սնուցող անոթի էմբոլիզացիա |
6. Սույն հավելվածի Ձև 3–ում սահմանված տրամադրվող քանակների համար նշվում է միջինացված ցուցանիշ, նկատի ունենալով տվյալ հետազոտության իրականացման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ հետազոտության իրականացման հաճախականությունը:
7. Օգտագործվող դեղերի ցանկը սահմանվում է ըստ Ձև 4–ի (անհրաժեշտության դեպքում նշել հիվանդության փուլերը).
Ձև 4
| Հ/հ |
Անվանում, դեղաչափ, դեղաձև, փաթեթավորում |
Անվանում /ջեներիկ/ |
Չ/Մ |
Միջինացված ցուցանիշ` տրամադրման հաճախականություն |
Միջին օրական չափաքանակ |
Բուժման կուրսի միջին չափաքանակ |
Օրերի քանակ |
| 1) |
Նիվոլումաբ, խտանյութ կաթիլաներարկման լուծույթի 100 մգ/10 մլ |
Նիվոլումաբ, խտանյութ կաթիլաներարկման լուծույթի 100 մգ/10 մլ |
սրվակ |
2-3 շաբաթը 1անգամ |
200 մգ |
480 մգ |
6-12 ամիս |
| 2) |
Պեմբրոլիզումաբ խտանյութ կաթիլաներարկման լուծույթի 100 մգ/4 մլ |
Պեմբրոլիզումաբ խտանյութ կաթիլաներարկման լուծույթի 100 մգ/4 մլ |
սրվակ |
21 օրը 1 անգամ |
200 մգ |
200 մգ |
6-12 ամիս |
| 3) |
Ցիսպլատին խտանյութ կաթիլաներարկման լուծույթի 0,5 մգ/մլ |
Ցիսպլատին խտանյութ կաթիլաներարկման լուծույթի 0,5 մգ/մլ |
սրվակ |
21 օրը 1 անգամ |
80 մգ |
160 մգ |
6-8 ամիս |
| 4) |
Կարբոպլատին խտանյութ կաթիլաներարկման լուծույթի10 մգ/մլ |
Կարբոպլատին խտանյութ կաթիլաներարկման լուծույթի10 մգ/մլ |
սրվակ |
21 օրը 1 անգամ |
450 |
900 մգ |
6-8 ամիս |
| 5) |
Էտոպոզիդ, խտանյութ կաթիլաներարկման լուծույթի 200 մգ /10 մլ |
Էտոպոզիդ, խտանյութ կաթիլաներարկման լուծույթի 200 մգ /10 մլ |
սրվակ |
28 օրը 1 անգամ |
100 |
400 մգ |
6-8 ամիս |
| 6) |
Դօքսոռուբիցին (դօքսոռուբիցինի հիդրոքլորիդ)խտանյութ կաթիլաներարկման լուծույթ 2 մգ/մլ, 10 մգ |
Դօքսոռուբիցին (դօքսոռուբիցինի հիդրոքլորիդ)խտանյութ կաթիլաներարկման լուծույթ 2 մգ/մլ, 10 մգ |
սրվակ |
28 օրը 1 անգամ |
60 |
150 |
6-8 ամիս |
| 7) |
Միտոտան 500 մգ |
Միտոտան 500 մգ |
դեղահատեր |
անենօրյա |
14 |
20 |
6-8 ամիս |
| 8) |
Գեմցիտաբին (գեմցիտաբինի հիդրոքլորիդ) դեղափոշի լիոֆիլացված կաթիլաներարկման լուծույթի 200 մգ |
Գեմցիտաբին (գեմցիտաբինի հիդրոքլորիդ) դեղափոշի լիոֆիլացված կաթիլաներարկման լուծույթի 200մգ |
սրվակ |
21 օրը 1 անգամ |
1800 |
4000 |
6-8 ամիս |
| 9) |
Կապեցիտաբին 500 մգ |
Կապեցիտաբին 500 մգ |
դեղահատեր |
1-14 օր 21 օրը 1 անգամ |
3000 մգ |
4000 մգ |
6-8 ամիս |
| 10) |
Տեմոզոլամիդ 140 մգ |
Տեմոզոլամիդ 140 մգ |
դեղապատիճ |
1-5 օր 28 օրը 1 անգամ |
150-200 մգ |
1000 մգ |
6-8 ամիս |
| 11) |
Հիդրոկորտիզոն 10 մգ |
Հիդրոկորտիզոն 10 մգ |
դեղահատեր |
անենօրյա |
50 |
75 |
6-12 ամիս |
| 12) |
Կորտիզոն 25 մգ |
Կորտիզոն 25 մգ |
դեղահատեր |
անենօրյա |
75 |
100 |
6-12 ամիս |
| 13) |
Պրեդնիզոլոն 5 մգ |
Պրեդնիզոլոն 5 մգ |
դեղահատեր |
անենօրյա |
10 |
20 |
6-12 ամիս |
8. Սույն հավելվածի Ձև 4–ում սահմանված`
1) նշանակված դեղի նկատմամբ անհատական անտանելիության դեպքում ավագ բուժաշխատողը իրավասու է նշանակել այլ դեղ,
2) տրամադրվող քանակների համար նշվում է միջինացված ցուցանիշ, նկատի ունենալով տվյալ դեղի օգտագործման հաճախականությունը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ դեղի օգտագործման հաճախականությունը:
9. Բուժական այլ միջոցառումներ սահմանվում են Ձև 5–ում (անհրաժեշտության դեպքում անհրաժեշտ է նշել հիվանդության փուլերը).
Ձև 5
| Հ/հ |
Բժշկական ծառայության տեսակը |
Տրամադրման քանակը |
| ԱԲ |
Բ |
| 1) |
Վիրահատական միջամտություն հետևյալ ծավալով/ներով (լապարոտոմիկ և լապարոսկոպիկ). ա. մակերիկամի հեռացում,
բ. մակերիկամի գոյացության հեռացում,
գ. մակերիկամի հեռացում շրջակա ճարպաբջջանքով,
դ. մակերիկամի հեռացում լիմֆոդիսեկցիայով,
ե. մակերիկամի հեռացում` համակցված երիկամի հեռացումով,
զ. երկկողմանի ադրենալէկտոմիա,
է. մակերիկամի հեռացում մյուս կողմի մակերիկամի գոյացության հեռացումով |
1 |
1 |
10. Սույն հավելվածի Ձև 5–ում սահմանված տրամադրվող քանակների համար նշվում է միջինացված ցուցանիշ, նկատի ունենալով, թե ինչ հաճախականությամբ է իրականացվում տվյալ բուժական միջոցառումը: Հաճախականության հաշվարկման միավորը պետք է լինի 0-ից 1 միջակայքում և հաշվի առնի նմանատիպ 100 դեպքերում տվյալ բուժական միջոցառման կիրառման հաճախականությունը:
ԳՈՐԾԵԼԱԿԱՐԳԻ ՄՇԱԿՄԱՆ ԱՂԲՅՈՒՐԸ
1. https://www.arlis.am/DocumentView.aspx?DocID=142864
2. Ուռուցքների դասակարգում` TNM 8-th edition
3. https://www.nccn.org/
Պաշտոնական հրապարակման օրը` 16 հուլիսի 2024 թվական: