ԱՆՆԱ ՇԱՀՆԱԶԱՐՅԱՆԻՆ ԵՎ ԱՆԱՀԻՏ ՍԱՆԹՐՈՍՅԱՆԻՆ ՖՐԱՆՍԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

27 նոյեմբերի 2024 թվականի N 1080-Ա

ԱՆՆԱ ՇԱՀՆԱԶԱՐՅԱՆԻՆ ԵՎ ԱՆԱՀԻՏ ՍԱՆԹՐՈՍՅԱՆԻՆ ՖՐԱՆՍԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով, «Քաղաքացիական ծառայության մասին» Հայաստանի Հանրապետության օրենքի 16-րդ հոդվածի 3-րդ մասով, 29-րդ հոդվածով և հիմք ընդունելով Հայաստանի Հանրապետության կառավարության 2018 թվականի նոյեմբերի 8-ի N 1239-Ն որոշումը`

1. Վարչապետի աշխատակազմի միջազգային իրավական հարցերով ներկայացուցչի գրասենյակի (այսուհետ` գրասենյակ) ղեկավարի տեղակալ Աննա Շահնազարյանին և գրասենյակի վճիռների և որոշումների կատարման վարչության պետ Անահիտ Սանթրոսյանին 2024 թվականի դեկտեմբերի 2-6-ը ներառյալ գործուղել Ֆրանսիայի Հանրապետություն (Ստրասբուրգ)` Եվրոպայի խորհրդի Նախարարների կոմիտեի` մարդու իրավունքների հարցերով 1514-րդ հանդիպմանը մասնակցելու և Հայաստանի Հանրապետության դիրքորոշումը ներկայացնելու նպատակով:

2. Հայաստանի Հանրապետության վարչապետի աշխատակազմին` սահմանված կարգով ապահովել գործուղվողների` Ֆրանսիայի Հանրապետություն գործուղման ծախսերի հատուցումը:

3. Գործուղվողներին` գործուղումից վերադառնալուց հետո երեք աշխատանքային օրվա ընթացքում օրենսդրությամբ նախատեսված հաշվետվությունները ներկայացնել Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն:

Հայաստանի Հանրապետության

    վարչապետ                     Ն. Փաշինյան

2024 թ. նոյեմբերի 27

Երևան