ԿԱԴԱՍՏՐԻ ԿՈՄԻՏԵԻ ՀԵՏ ՏԵՂԵԿԱՏՎՈՒԹՅԱՆ ՊԱՐԲԵՐԱԿԱՆ ԹԱՐՄԱՑՄԱՆ ԾԱՌԱՅՈՒԹՅՈՒՆՆԵՐԻ ՊԱՅՄԱՆ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

22 օգոստոսի 2024 թվականի N 1303-Ն

ԿԱԴԱՍՏՐԻ ԿՈՄԻՏԵԻ ՀԵՏ ՏԵՂԵԿԱՏՎՈՒԹՅԱՆ ՊԱՐԲԵՐԱԿԱՆ ԹԱՐՄԱՑՄԱՆ ԾԱՌԱՅՈՒԹՅՈՒՆՆԵՐԻ ՊԱՅՄԱՆԱԳՐԻ ՕՐԻՆԱԿԵԼԻ ՁԵՎԸ, ԴՐԱ ՀԻՄԱՆ ՎՐԱ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Տարածական տվյալների մասին» Հայաստանի Հանրապետության օրենքի 5-րդ հոդվածի 1-ին մասի 8-րդ կետի և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի պահանջներով` Հայաստանի Հանրապետության կառավարությունը որոշում է.

1. Հաստատել`

1) Կադաստրի կոմիտեի հետ տեղեկատվության պարբերական թարմացման ծառայությունների պայմանագրի օրինակելի ձևը` համաձայն N 1 հավելվածի.

2) սույն որոշման 1-ին կետի 1-ին ենթակետով հաստատված պայմանագրի հիման վրա տեղեկատվության տրամադրման կարգը` համաձայն N 2 հավելվածի:

2. Սահմանել, որ սույն որոշման 1-ին կետի 1-ին ենթակետով հաստատված պայմանագրի պատվիրատու կարող են հանդիսանալ սույն որոշումն ուժի մեջ մտնելուց հետո համապատասխան համայնքի (Երևան քաղաքում` վարչական շրջանների) ամբողջ տարածքի վեկտորային ֆորմատով բազային և թեմատիկ տեղեկատվության սկզբնական քարտեզ ձեռք բերած ֆիզիկական կամ իրավաբանական անձինք:

3. Ուժը կորցրած ճանաչել Հայաստանի Հանրապետության կառավարության 2017 թվականի մարտի 30-ի «Հայաստանի Հանրապետության համայնքների (Երևան քաղաքում` վարչական շրջանների) վեկտորային ֆորմատով կադաստրային քարտեզների բազային և թեմատիկ տեղեկատվության պարբերական թարմացման ծառայությունների մատուցման մասին պայմանագրի օրինակելի ձևը և այդ պայմանագրի հիման վրա տեղեկատվության տրամադրման կարգը հաստատելու մասին» N 336-Ն որոշումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության

    վարչապետ   Ն. Փաշինյան

2024 թ. օգոստոսի 22

Երևան

Հավելված N 1

ՀՀ կառավարության

2024 թվականի օգոստոսի 22-ի

N 1303-Ն որոշման

Օրինակելի ձև

ՊԱՅՄԱՆԱԳԻՐ N __ ԿԱԴԱՍՏՐԻ ԿՈՄԻՏԵԻ ՀԵՏ ՏԵՂԵԿԱՏՎՈՒԹՅԱՆ ՊԱՐԲԵՐԱԿԱՆ ԹԱՐՄԱՑՄԱՆ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ՄԱՍԻՆ

    ք. Երևան                               ___ __________ 20 թվական

[] Իրավաբանական անձ

անվանումը ____________________________________________________________,

գրանցման համարը ________________________,

գտնվելու վայրը ___________________________,

որի անունից [] կանոնադրության և [] լիազորագրի հիման վրա հանդես է

գալիս`

անունը ________________________,

ազգանունը ________________________,

հայրանունը __________________________,

հաշվառման հասցեն _____________________________________________________,

բնակության հասցեն ____________________________________________________,

էլեկտրոնային փոստի հասցեն ____________________________________________,

անձնագրի (նույնականացման քարտի) տվյալները ____________________________,

(սերիան, համարը, երբ և

ում կողմից է տրվել)

[] ֆիզիկական անձ

անունը ________________________,

ազգանունը ________________________,

հայրանունը __________________________,

հաշվառման հասցեն _____________________________________________________,

բնակության հասցեն ____________________________________________________,

էլեկտրոնային փոստի հասցեն ____________________________________________,

անձնագրի (նույնականացման քարտի) տվյալները ____________________________,

(սերիան, համարը, երբ և

ում կողմից է տրվել)

(այսուհետ` պատվիրատու) մի կողմից, և Հայաստանի Հանրապետության կադաստրի կոմիտեն (այսուհետ` կոմիտե), ի դեմս ____________________________ -ի, որը գործում է _______________________________________________ հիման վրա, մյուս կողմից, կնքեցին սույն պայմանագիրը հետևյալի մասին:

1. Պայմանագրի առարկան

1.1. Համաձայն սույն պայմանագրի` կոմիտեն պարտավորվում է պատվիրատուի պահանջով պատվիրատուին __ ____ 20 __ թվականին տրամադրված տեղեկատվության (կադաստրային քարտեզի բազային և թեմատիկ տեղեկատվության սկզբնական տրամադրում վեկտորային ֆորմատով) պարբերական թարմացման ծառայության համար նախատեսված վճարումը կատարելուց հետո, Հայաստանի Հանրապետության կառավարության 20__ թվականի _____ ___ ի N-Ն որոշմամբ հաստատված կարգի պահանջներին համապատասխան, Պատվիրատուին տրամադրել

[] Հայաստանի Հանրապետության __________ մարզի ______________ համայնքի

[] Երևան քաղաքի ____________________ վարչական շրջանի կադաստրային քարտեզի բազային և թեմատիկ տեղեկատվությունը` վեկտորային ֆորմատով (այսուհետ` տեղեկատվություն):

1.2. Ծառայությունները մատուցված են համարվում կոմիտեի կողմից տեղեկատվությունը պատվիրատուին տրամադրվելու պահից: Տրամադրված տեղեկատվության հնարավոր տեխնիկական թերությունների մասին պատվիրատուն պարտավոր է հայտնել 5 (հինգ) աշխատանքային օրվա ընթացքում: Տրամադրված տեղեկատվության տեխնիկական թերությունների մասին պատվիրատուի կողմից նշված ժամկետում չհայտնվելու դեպքում տեղեկատվությունը համարվում է տեխնիկապես անթերի տրամադրված:

2. Կողմերի իրավունքները և պարտավորությունները

2.1. Կոմիտեն իրավունք ունի տրամադրված տեղեկատվությունը պատվիրատուի կողմից երրորդ անձանց փոխանցվելու դեպքում պատվիրատուից պահանջելու կոմիտեին պատճառված վնասին համապատասխան «Տարածական տվյալների մասին» օրենքի 19-րդ հոդվածի 1-ին մասի 3-րդ կետով նշված գումարի չափով փոխհատուցում:

2.2. Կոմիտեն պարտավորվում է`

2.2.1. պատվիրատուի կողմից տեղեկատվության տրամադրման համար սահմանված վճարը կոմիտեին փոխանցվելուց և տեղեկատվության դիմում ներկայացվելուց հետո պատվիրատուին տրամադրել տեղեկատվությունն ամբողջ ծավալով` սույն պայմանագրի 1.1-ին կետով սահմանված եղանակով.

2.2.2. սույն պայմանագրի 1.2-րդ կետով սահմանված ժամկետում պատվիրատուի դիմելու օրվանից 3 (երեք) աշխատանքային օրվա ընթացքում անհատույց վերացնել տրամադրված տեղեկատվության` հայտնաբերված բոլոր տեխնիկական թերությունները.

2.2.3. սույն պայմանագրի 2.3.2-րդ կետով նախատեսված դեպքում պատվիրատուին վերադարձնել տեղեկատվության տրամադրման համար վճարված գումարը` վճարված գումարի վերադարձման մասին պատվիրատուի դիմումը կոմիտե ներկայացնելու օրվան հաջորդող 10 (տասը) աշխատանքային օրվա ընթացքում:

2.3. Պատվիրատուն իրավունք ունի`

2.3.1. տեղեկատվությունն ստանալուց հետո 5 (հինգ) աշխատանքային օրվա ընթացքում պահանջելու անհատույց վերացնել ստացված տեղեկատվության` հայտնաբերված բոլոր տեխնիկական թերությունները.

2.3.2. կոմիտեի կողմից սույն պայմանագրի 2.2.1-ին կետում նշված պարտավորությունների խախտման դեպքում պահանջելու վերադարձնել տեղեկատվության տրամադրման համար վճարված գումարը:

2.4. Պատվիրատուն պարտավորվում է`

2.4.1. վճարել տեղեկատվության տրամադրման համար սահմանված վճարը.

2.4.2. ստացված տեղեկատվությունը չփոխանցել երրորդ անձանց:

3. Պայմանագրի գինը և հաշվարկների կարգը

3.1. Մեկ համայնքի (Երևան քաղաքում` վարչական շրջանի) տեղեկատվության վճարի չափը և դրա տրամադրման ժամկետը սահմանված է «Տարածական տվյալների մասին» օրենքի 19-րդ հոդվածի 1-ին մասի 3-րդ կետով:

3.2. Տեղեկատվության վճարի չափը չի կարող պայմանավորվել տրամադրվող նյութերի ծավալի կամ համայնքում ընդգրկված բնակավայրերի քանակից:

4. Պայմանագրի գործողության ժամկետը

4.1. Սույն պայմանագիրն ուժի մեջ է մտնում ստորագրման պահից և գործում է անժամկետ:

4.2. Սույն պայմանագիրը դադարեցնել ցանկացող կողմը պետք է դրա մասին գրավոր հայտնի մյուս կողմին նախապես` 5 (հինգ) աշխատանքային օր առաջ:

4.3. Պայմանագիրը կարող է լուծվել`

1) կողմերի համաձայնությամբ.

2) կոմիտեի կողմից` միակողմանի, եթե պատվիրատուի կողմից խախտվեն սույն պայմանագրի 2.4.1-ին և 2.4.2-րդ կետերում նշված պարտավորությունները.

3) պատվիրատուի կողմից` միակողմանի, եթե կոմիտեի կողմից խախտվի սույն պայմանագրի 2.2.1-ին կետում նշված պարտավորությունը:

4.4. Սույն պայմանագրի 4.3-րդ կետի 1-ին և 2-րդ ենթակետերով սահմանված հիմքերով պայմանագրի դադարեցման դեպքում սույն պայմանագրի 3.1-ին կետով նախատեսված վճարը վերադարձման ենթակա չէ:

5. Անհաղթահարելի ուժի ազդեցությունը (ֆորս-մաժոր)

5.1. Սույն պայմանագրով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության հետևանքով, որը ծագել է սույն պայմանագիրը կնքելուց հետո, և որը կողմերը չէին կարող կանխատեսել կամ կանխարգելել: Այդպիսի իրավիճակներ են երկրաշարժը, ջրհեղեղը, հրդեհը, պատերազմը, ռազմական և արտակարգ դրության հայտարարումը, քաղաքական հուզումները, գործադուլները, հաղորդակցության միջոցների աշխատանքի դադարեցումը, պետական մարմինների ակտերը և այլն, որոնք անհնարին են դարձնում սույն պայմանագրով սահմանված պարտավորությունների կատարումը: Եթե անհաղթահարելի ուժի ազդեցությունը շարունակվում է 3 (երեք) ամսվանից ավելի, ապա կողմերից յուրաքանչյուրն իրավունք ունի լուծելու պայմանագիրը` դրա մասին նախապես տեղյակ պահելով մյուս կողմին:

6. Վեճերի լուծման կարգը

6.1. Սույն պայմանագրի կապակցությամբ ծագած վեճերը լուծվում են բանակցությունների միջոցով: Համաձայնություն ձեռք չբերվելու դեպքում վեճերի լուծումը կատարվում է դատական կարգով:

7. Եզրափակիչ դրույթներ

7.1. Սույն պայմանագրում ցանկացած փոփոխություն և լրացում վավերական է, եթե դրանք կատարված են գրավոր և ստորագրված կողմերի լիազոր ներկայացուցիչների կողմից:

7.2. Սույն պայմանագիրը կազմված է հավասարազոր երկու օրինակից: Յուրաքանչյուր կողմին տրվում է մեկ օրինակ:

8. Կողմերի հասցեները, բանկային վավերապայմանները և ստորագրությունները

            Պատվիրատու                        Կոմիտե

    _________________________        _________________________

    _________________________        _________________________

         (ստորագրություն)                 (ստորագրություն)

Հավելված N 2

ՀՀ կառավարության

2024 թվականի օգոստոսի 22-ի

N 1303-Ն որոշման

ԿԱՐԳ

ԿԱԴԱՍՏՐԻ ԿՈՄԻՏԵԻ ՀԵՏ ՏԵՂԵԿԱՏՎՈՒԹՅԱՆ ՊԱՐԲԵՐԱԿԱՆ ԹԱՐՄԱՑՄԱՆ ԾԱՌԱՅՈՒԹՅՈՒՆՆԵՐԻ ՊԱՅՄԱՆԱԳՐԻ ՀԻՄԱՆ ՎՐԱ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են Հայաստանի Հանրապետության համայնքների (Երևան քաղաքում` վարչական շրջանների) վեկտորային ֆորմատով կադաստրային քարտեզների բազային և թեմատիկ տեղեկատվության (այսուհետ` տեղեկատվություն) պարբերական թարմացման ծառայությունների մատուցման մասին պայմանագրի (այսուհետ` պայմանագիր) հիման վրա տեղեկատվության տրամադրման կարգի հետ կապված հարաբերությունները:

2. Տեղեկատվությունը տրամադրվում է առանց սկզբնական տեղեկատվության և սկզբնական տեղեկատվությունում ժամանակագրական փոփոխությունների դիտարկման ծրագրային հնարավորության` սկզբնական տեղեկատվությունում կատարված բոլոր լրացումների ու փոփոխությունների հաշվառմամբ: Սույն կետի իմաստով սկզբնական տեղեկատվություն է համարվում տեղեկատվություն հայցող անձին «Տարածական տվյալների մասին» օրենքի (այսուհետ` օրենք) 19-րդ հոդվածի 1-ին մասի 3-րդ կետին համապատասխան տրամադրված համայնքի (Երևան քաղաքում` վարչական շրջանի) վեկտորային ֆորմատով կադաստրային քարտեզի բազային և թեմատիկ տեղեկատվությունը:

3. Սույն կարգով սահմանված տեղեկատվությունը տրամադրվում է Հայաստանի Հանրապետության կադաստրի կոմիտեի տեղեկատվական տեխնոլոգիաների կենտրոնի կողմից:

2. ՏԵՂԵԿԱՏՎՈՒԹՅԱՆ ՏՐԱՄԱԴՐՈՒՄԸ

4. Տեղեկատվությունը տրամադրվում է հայցող անձի կողմից e-cadastre.am կայքի միջոցով ներկայացված դիմումի և օրենքի 19-րդ հոդվածի 1-ին մասի 3-րդ կետի «բ» ենթակետով սահմանված վճարի մուծման անդորրագրի հիման վրա: Դիմումում նշվում են`

1) համայնքի (Երևան քաղաքում` վարչական շրջանի) անվանումը, որի մասով պահանջվում է տեղեկատվությունը.

2) պայմանագրի ամսաթիվը և դրա համարը:

5. Տեղեկատվությունը տրամադրվում է www.e-cadastre.am կայքի միջոցով` շեյփ (shp) կամ դի վի ջի/դի իքս էֆ/դի ջի են (dwg/dxf/dgn) ֆորմատներով` տեղեկատվության տրամադրման օրվա դրությամբ:

6. Մինչև www.e-cadastre.am կայքում սույն կարգի 5-րդ կետում նշված ծրագրային ապահովման ներդրումը տեղեկատվությունը տրամադրվում է մեխանիկական եղանակով` շեյփ (shp) կամ դի վի ջի/դի իքս էֆ/դի ջի են (dwg/dxf/dgn) ֆորմատներով էլեկտրոնային կրիչներով (խտասկավառակի (CD-ի) վրա կամ USB կրիչով)` տեղեկատվության տրամադրման օրվա դրությամբ: Սույն կարգի 5-րդ կետում նշված ծրագրային ապահովումը www.e-cadastre.am կայքում ներդրվում է մինչև 2025 թվականի դեկտեմբերի 31-ը:

7. Տեղեկատվությունը տրամադրվում է օրենքի 19-րդ հոդվածով սահմանված ժամկետներում:

8. Տեղեկատվությունը կարող է տրամադրվել փոստային կապի միջոցով` Հայաստանի Հանրապետության կառավարության 2013 թվականի հունվարի 10-ի N 100-Ն որոշմամբ սահմանված կարգով: Ընդ որում, տեղեկատվության առաքման հասցեն պայմանագրում նշված հասցեի հետ չհամընկնելու դեպքում տեղեկատվությունը դիմողին փոստով չի առաքվում:

Պաշտոնական հրապարակման օրը` 22 օգոստոսի 2024 թվական: