ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
1 դեկտեմբերի 2023 թվականի թիվ 46-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2018 ԹՎԱԿԱՆԻ ՀՈԿՏԵՄԲԵՐԻ 19-Ի ԹԻՎ 49-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով` Հայաստանի Հանրապետության վիճակագրության պետական խորհուրդը որոշում է.
1. Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի ««Թատրոնների գործունեության մասին» Ձև 1-թատրոն (տարեկան) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2002 թվականի օգոստոսի 19-ի թիվ 185-Ն որոշումն ուժը կորցրած ճանաչելու մասին» թիվ 49-Ն որոշման.
i
1) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ` համաձայն հավելված 1-ի և հավելված 2-ի,
2) 2-րդ կետից հանել «ձևի» բառը:
i
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՆԱԽԱԳԱՀ Ս. ՄՆԱՑԱԿԱՆՅԱՆ
Հավելված 1
Հայաստանի Հանրապետության
վիճակագրության պետական խորհրդի
2023 թվականի դեկտեմբերի 1-ի
թիվ 46-Ն որոշման
«Հավելված 1
Հայաստանի Հանրապետության
վիճակագրության պետական խորհրդի
2018 թվականի հոկտեմբերի 19-ի
թիվ 49-Ն որոշման
Բաժին 1. Հիմնական ցուցանիշներ
._________________________________________________________________________.
|Ցուցանիշի անվանումը |Տողի |Ներկայացումների քանակը|Հաճա- |Ներկայա- |
| |ծածկա-|______________________|խում- |ցումներից|
| |գիրը |ընդա- | որից` |ների |ստացված |
| | |մենը | |քանակը,|հասույթը,|
| | |_______|______________|մարդ |հազ. դրամ|
| | | |նոր |հիմնովին | | |
| | | | |նորոգված | | |
|_________________________|______|_______|____|_________|_______|_________|
| Ա | Բ | 1 | 2 | 3 | 4 | 5 |
|_________________________|______|_______|____|_________|_______|_________|
|Ստացիոնար ներկայացումներ,|100 | | | | | |
|ընդամենը, այդ թվում` | | | | | | |
|_________________________|______|_______|____|_________|_______|_________|
|առավոտյան |100.1 | | | | | |
|_________________________|______|_______|____|_________|_______|_________|
|երեկոյան |100.2 | | | | | |
|_________________________|______|_______|____|_________|_______|_________|
|Տող 100-ից` հիմնական |101 | | | | | |
|բեմում | | | | | | |
|_________________________|______|_______|____|_________|_______|_________|
|Ներկայացումներ քաղաքից |120 | | | | | |
|դուրս, այդ թվում` | | | | | | |
|_________________________|______|_______|____|_________|_______|_________|
|գյուղական վայրերում |120.1 | | | | | |
|_________________________|______|_______|____|_________|_______|_________|
|Ընդամենը միջոցառումներ |130 | | | | | |
|(100+120) | | | | | | |
|_________________________|______|_______|____|_________|_______|_________|
|Այլ կոլեկտիվների կողմից |140 | | | | | |
|կազմակերպված ստացիոնար | | | | | | |
|ներկայացումներ | | | | | | |
|_________________________|______|_______|____|_________|_______|_________|
|Հյուրախաղեր արտասահմանում|150 | | | | | |
|_________________________|______|_______|____|_________|_______|_________|
|Դահլիճների տարողությունը |160 | |X |X |X |X |
|(ստացիոնար), այդ թվում` | | | | | | |
|_________________________|______|_______|____|_________|_______|_________|
|հիմնական բեմի |160.1 | |X |X |X |X |
|_________________________|______|_______|____|_________|_______|_________|
|լրացուցիչ բեմի |160.2 | |X |X |X |X |
._________________________________________________________________________.
Բաժին 2. Ֆինանսական միջոցների ստացումը և օգտագործումը
դրամ
.__________________________________________________________________.
|Ցուցանիշի անվանումը |Տողի |Ընդամենը |
| |ծածկա-|հաշվետու |
| |գիրը |տարում |
|_________________________________________________|______|_________|
| Ա | Բ | 1 |
|_________________________________________________|______|_________|
|Ֆինանսական միջոցների առկայությունը, ընդամենը, |200 | |
|այդ թվում` | | |
|_________________________________________________|______|_________|
|Մնացորդը տարեսկզբին |210 | |
|_________________________________________________|______|_________|
|Ֆինանսական մուտքերը, ընդամենը, այդ թվում |220 | |
|_________________________________________________|______|_________|
|բյուջեից (պետական և համայնքային) |220.1 | |
|_________________________________________________|______|_________|
|բնակչությանը մատուցված ծառայություններից |220.2 | |
|_________________________________________________|______|_________|
|նվիրատվություններ |220.3 | |
|_________________________________________________|______|_________|
|վարձակալությունից |220.4 | |
|_________________________________________________|______|_________|
|այլ եկամուտներ |220.5 | |
|_________________________________________________|______|_________|
|Ֆինանսական ծախսեր, ընդամենը, այդ թվում |230 | |
|_________________________________________________|______|_________|
|նյութական ծախսեր |230.1 | |
|_________________________________________________|______|_________|
|ոչ նյութական ծառայությունների վճարումներ |230.2 | |
|_________________________________________________|______|_________|
|գործուղման ծախսեր |230.3 | |
|_________________________________________________|______|_________|
|աշխատավարձ և դրան հավասարեցված այլ վճարումներ |230.4 | |
|_________________________________________________|______|_________|
|հիմնավերանորոգման, վերանորոգման, սարքավորումների |230.5 | |
|և գույքի ձեռքբերման | | |
|_________________________________________________|______|_________|
|այլ ծախսեր |230.6 | |
|_________________________________________________|______|_________|
|Ֆինանսական միջոցների մնացորդը տարեվերջին |240 | |
.__________________________________________________________________.
Ղեկավար` _____________________ ___________________
(Ազգանուն, անուն) (Ստորագրություն)
Լրացնող (լիազորված անձ)` _____________________ ___________________
(Ազգանուն, անուն) (Ստորագրություն)
«__»________20___թ. «:
Հավելված 2
Հայաստանի Հանրապետության
վիճակագրության պետական խորհրդի
2023 թվականի դեկտեմբերի 1-ի
թիվ 46-Ն որոշման
«Հավելված 2
Հայաստանի Հանրապետության
վիճակագրության պետական խորհրդի
2018 թվականի հոկտեմբերի 19-ի
թիվ 49-Ն որոշման
ՀՐԱՀԱՆԳ «ԹԱՏՐՈՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 1-ԹԱՏՐՈՆ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն հրահանգը կարգավորում է «Թատրոնների գործունեության մասին» Ձև 1-թատրոն (տարեկան) վիճակագրական հաշվետվության (այսուհետ` Հաշվետվություն) լրացման կարգի հետ կապված հարաբերությունները:
2. Հաշվետվությունը ներկայացնում են թատերական, կրկեսային և օպերային կազմակերպությունները, որոնք այդ մասին նախապես իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:
3. Հաշվետվությունը ներկայացվում է Հայաստանի Հանրապետության Վիճակագրական կոմիտե` մինչև հաշվետու ժամանակաշրջանին հաջորդող տարվա փետրվարի 25-ը:
4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է` համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:
5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:
2. ԼՐԱՑՄԱՆ ԿԱՐԳԸ
6. Բաժին 1-ում լրացվում են`
1) «100» ծածկագրով տողի սյունակ 1-ում` ստացիոնար ներկայացումների քանակը, որից` սյունակ 2-ում` նոր և սյունակ 3-ում` հիմնովին նորոգված ներկայացումների քանակը,
2) սյունակ 4-ում` հաճախումների քանակը, իսկ սյունակ 5-ում` ներկայացումներից ստացված հասույթի գումարի չափը,
3) «120» ծածկագրով տողի սյունակ 1-ում` քաղաքից դուրս կազմակերպված ներկայացումների (ընդհանուր), որից` սյունակ 2-ում` նոր և սյունակ 3-ում` հիմնավերանորոգված ներկայացումների քանակը,
4) «130» ծածկագրով տողում` միջոցառումների քանակը, ընդ որում «130» ծածկագրով տողը հավասար է «100» և «120» ծածկագրերով տողերի գումարին,
5) «140» ծածկագրով տողում` այլ կոլեկտիվների կողմից կազմակերպված ստացիոնար ներկայացումների քանակը,
6) «150» ծածկագրով տողում` արտասահմանում կազմակերպված հյուրախաղերի քանակը,
7) «160» ծածկագրով տողում` դահլիճների տարողության (ստացիոնար) ցուցանիշը` նախատեսված տեղերի քանակը,
7. Բաժին 2-ում (ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը) լրացվում են`
1) «200» ծածկագրով տողում` ընդհանուր ֆինանսական միջոցները,
2) «210» ծածկագրով տողում` ֆինանսական միջոցների մնացորդը տարեսկզբին,
3) «220» ծածկագրով տողում` ընթացիկ տարվա ֆինանսական մուտքերի մասին տվյալները, այդ թվում` «220.1» ծածկագրով տողում` բյուջեից (պետական և համայնքային), «220.2» ծածկագրով տողում` բնակչությանը մատուցված ծառայություններից, «220.3» ծածկագրով տողում` նվիրատվություններից, «220.4» ծածկագրով տողում` վարձակալությունից և «220.5» ծածկագրով տողում` այլ եկամուտները,
4) «230» ծածկագրով տողում` ընդհանուր ֆինանսական ծախսերը,
5) «230.1» ծածկագրով տողում («Նյութական ծախսեր»)` ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,
6) «230.2» ծածկագրով տողում («Ոչ նյութական ծառայությունների վճարումներ»)` լրացվում է աշխատողների մասնագիտական ուսուցմանն ուղղված, շենքերի, մեքենաների և սարքավորումների վարձակալական, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,
7) «230.3» ծածկագրով տողում` գործուղման ծախսերը,
8) «230.4» ծածկագրով տողում («Աշխատավարձ և դրան հավասարեցված այլ վճարումներ»)` հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական, լրացուցիչ աշխատավարձը` հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,
9) «230.5» ծածկագրով տողում` թատերական, կրկեսային և օպերային կազմակերպությունների կողմից իրականացված շենքերի և շինությունների, ինչպես նաև մեքենաների և սարքավորումների ձեռք բերման, հիմնավերանորոգման և վերանորոգման ծախսերը,
10) «230.6» ծածկագրով տողում` այն ծախսերը (այլ ծախսեր), որոնք «230.1» -»230.5» ծածկագրերով տողերում չեն արտացոլվել,
5) «240» ծածկագրով տողում` ֆինանսական միջոցների մնացորդը տարեվերջին:»:
Պաշտոնական հրապարակման օրը` 8 դեկտեմբերի 2023 թվական: